PANGARATAION 15:19 - BIBEL JAMITA NA DENGGAN

¹⁹ Lombu jantan, hambeng jantan, dohot biri-biri jantan na parjolo sorang, haulkon hamu ma i tu Tuhan. Nada tola pakeon lombu i manarik bajak, jana biri-biri i nada tola cukuron.

PANGARATAION 15:19 ပူးပေါင်းရင်းမြစ်များ

HARURUAR 13:12

angkon pasahatonmunu do sude anak siangkaan tu Tuhan. Sandok pahan-pahanan jantan na parjolo sorang, Tuhan do nampunasa.

HARURUAR 13:2

“Haulkon ma tu Au sude anak halaklahi siangkaan. Ganop anak halaklahi siangkaan di halak Israel dohot sandok pahan-pahanan jantan na parjolo sorang, Au do nampunasa.”

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 22:30

Lehen ma di Au na parjolo sorang sian pahan-pahananmunu dohot sian biri-birimunu. Padiar hamu ma laing rap dohot inangna pahan-pahanan jantan na parjolo sorang rap dohot indukna i, pitu ari lolotna, jadi pasahat hamu ma i tu Au gabe haul di ari pasalapankon.

HARURUAR 34:19

Sandok anak halaklahi na parjolo sorang, Au do nampunasa, bope sandok jantan sian pahan-pahananmu, anak ni lombu sanga biri-biri na parjolo sorang.

HAMALIMON 27:26

Pahan-pahanan na adong parjolo Tuhan do nampuna i. Jadi sahalak pe nada tola mangalehen i tu Tuhan gabe haul jop ni roha. Anak ni lombu, anak ni biri-biri sanga anak ni hambeng na adong parjolo Tuhan do nampuna i.

BILANGAN 18:15

Sude anak dohot pahan-pahanan na parjolo sorang, na dihaulkon ni halak Israel tu Au, bagianmu do i. Jadi angkon jagitonmunu hepeng partobus ni ganop anak siangkaan dohot ganop pahan-pahanan na haram na parjolo sorang.

BILANGAN 18:17

Tapi anggo lombu, biri-biri dohot hambeng, na sorang parjolo nada tola tobuson. Pahan-pahanan na songon i Au do nampunasa jana angkon dihaulkon. Siramkon ma mudarna i tu langgatan jana tutung tabo-tabona i gabe haul sipanganon. Uap ni haul i pajopkon rohangKu.

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:17

Nada tola sanga na aha pe panganonmunu di bagas ingananmunu sian sude na nihaulkonmunu tu Tuhan: Haul parsampuluan sian gandummunu, anggurmunu, miak zetunmunu, lombu sanga biri-birimunu na parjolo sorang, haul panggarar ni haulmunu, haul sian na nionjar ni rohamunu, sanga hasil na asing pe.

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

PANGARATAION 15:18

Muda dipalua hamu sada hatoban, ulang baen hamu i sian dokdok ni rohamunu, angke madung dioloi ia hamu onom taon marhite satonga arga ni pangoloi na somal. Patulus hamu ma parenta on, jadi gabe pasupasuon ni Tuhan ma sude karejomunu.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.

IBRANI 12:23

Sada parsuoan godang do na niadopanmunu – parsuoan ni angka anak siangkaan ni Debata na dung disuratkon goarna di banua ginjang. Debata do na niadopanmunu, Panguhum ni sude jolma manusia. Adopanmunu do angka tondi ni halak na burju na dung dipasanggam.