PANGARATAION 15:13 - BIBEL JAMITA NA DENGGAN

¹³ Ulang padiar hamu kehe boti rumar tangan ni hatoban na nipaluamunu.

PANGARATAION 15:13 ပူးပေါင်းရင်းမြစ်များ

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

HARURUAR 3:21

Pasangapon ni halak Mesir i ma hamu baenonKu, di hatiha hakekehe ni bangsongKi, nada rumar tangan ni halahi.

JEREMIA 22:13

Marjaya ma halak na pajongjong bagasna marhite hageduhan, jana na pabidangkonsa marhite panipuan. Marjaya ma sanga ise na marsuru halak markarejo hape nada marupa.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

PANGARATAION 15:12

“Muda adong donganmunu halak Ibrani, halaklahi sanga dadaboru na targadis sanga na pagadiskon dirina songon hatoban tu hamu, tola ma oloannia hamu onom taon lolotna, jana dung salpu i di taon na papituhon angkon padiaronmunu do ia kehe.

PANGARATAION 15:14

Sian basa ni roha, lehen hamu ma tusia sanga aha na nibasa-basahon ni Tuhan tu hamu – biri-biri, gandum dohot anggur.

KOLOSSE 4:1

Hamu angka tuan! Baen hamu ma na sintong dohot na tigor tu angka hatobanmu. Ingot hamu ma, hamu pe adong dope tuanmunu di banua ginjang.