PANGARATAION 15:11 - BIBEL JAMITA NA DENGGAN

¹¹ Sai adong do dapot piga-piga halak na pogos dohot na hurangan di tonga-tonga ni halak Israel. Jadi hara ni i, Huparentahon tu hamu anso basa rohamunu tu halahi.”

PANGARATAION 15:11 ပူးပေါင်းရင်းမြစ်များ

HARURUAR 23:11

Tapi anggo taon papituhon, angkon padiaronmunu do tano i. Anggo di na sataon i, ulang palagut hamu sanga aha na tubu sandiri di ladangmunu i. Padiar hamu ma i di angka na pogos sian hamu, jana asingna i padiar dipangan binatang harangan. Laing songon i ma baen hamu dohot tu kobun anggur bope tu angka bona ni zetunmunu.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 22:2

Adong do sada pangalaho na dos di na kayo dohot na pogos: Rap na ditompa ni Tuhan do i sudena.

PODA 31:20

Nada mangholit ia tu na marhahurangan; denggan do rohania tu na mamorluhon tolongan.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

MATEUS 26:11

Tongtong do adong na pogos rap dohot hamu, tapi anggo Au nada tongtong rap dohot hamu.

MATEUS 5:42

Muda adong halak na mangido bagi aha tu ho, lehen sajo ma songon i. Ulang pola tulak halak na giot manginjam sanga aha sian ho.”

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

JOHANNES 12:8

Anggo halak na pogos tongtong do adong di tonga-tongamunu, tapi anggo Au nada tongtong rap dohot hamu.”

BAENON NI ANGKA RASUL 2:45

Digadisi halahi ma angka barang dohot sinadongan ni halahi, jana dibagi-bagihon halahi ma hepengna i di halahi sudena marguru tu haporluanna be.

PANGARATAION 15:7

Muda dung maringanan hamu sanoli on di tano na giot silehenon ni Tuhan Debatamunu di hamu, hape adong sian dongan sabangsomunu na marpogos di sada sian hutamunu i, ulang hamu hum na manyarihon tu dirina be jana manjua hamu mangurupisa.

PANGARATAION 15:8

Tapi angkon basa do hamu laho painjamkon halahi sabahat ni haporluanna.