PANGARATAION 15:10 - BIBEL JAMITA NA DENGGAN

¹⁰ Lehen hamu ma tu halak i sian na nionjar ni roha dohot sian basa ni roha, jadi gabe pasupasuon ni Tuhan ma sude karejomunu.

PANGARATAION 15:10 ပူးပေါင်းရင်းမြစ်များ

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

PARJAMITA 11:1

Danggurkon ma rotimu tu aek, jadi dung lolot dapot ho ma i muse.

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

JESAYA 58:10

Usehon ma rohamu tu halak na malean, jana pasombu ma roha ni halak na targogot. Muda dibaen hamu songon i gabe bincar ma sinondangmunu di bagasan hagolapan jana hagolapanmunu gabe songon torang ni ari.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

SURAT NI SI PAULUS TU PARLAGUTAN ROM 12:8

Halak na laho paingotkon dongan, angkon marsitutu ma paingotkon halak na asing. Halak na marsilehen-lehen na adong disia, angkon sian burju ni roha na patut ma i dibaen. Halak na mamimpin, angkon dihaburjuhon ma na mamimpin i. Halak na maribo ni roha tu na asing, angkon sian jop ni rohana do i baenonna.

PANGARATAION 14:19

Sude binatang na marruas jana marhabong angkon etongonmunu do i na haram, na so tola panganon.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”

PANGARATAION 15:18

Muda dipalua hamu sada hatoban, ulang baen hamu i sian dokdok ni rohamunu, angke madung dioloi ia hamu onom taon marhite satonga arga ni pangoloi na somal. Patulus hamu ma parenta on, jadi gabe pasupasuon ni Tuhan ma sude karejomunu.

PANGARATAION 15:4

Pasupasuon ni Tuhan Debatamunu ma hamu di tano na giot silehenonNia di hamu. Di tonga-tonga ni bangsomunu nada adong dapot be halak na pogos

PANGARATAION 23:20

Tapi tola do pangidoonmu anak ni sanga aha na nipainjamkonmu tu halak sileban. Oloi ma parenta on, dung i pasupasuon ni Tuhan Debatamu ma sanga aha na nibaenmu di tano na giot sibuatonmi.

PANGARATAION 24:19

Muda palagutkon sagean ni gandum hamu, jana adong dope sasaotik na martinggalan gandum na dung disabi i, ulang be ulahi hamu mamuaisa. Angkon tadingkonon do gandum i baen di halak sileban, di na so marama, dohot di angka na mabalu, anso dipasupasu Tuhan Debatamunu i hamu di sandok na nibaenmunu.

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.