PANGARATAION 14:27 - BIBEL JAMITA NA DENGGAN

²⁷ Ulang padiar hamu malarat halak Levi na maringanan di angka hutamunu; ingot hamu na so adong do tano ni halahi sandiri.

PANGARATAION 14:27 ပူးပေါင်းရင်းမြစ်များ

BILANGAN 18:20

Didok Tuhan muse tu si Harun, “Nada adong lehenon di hamu bagi aha tean-teanan. Sabagian tano pe nada adong di luat na Hujanjihon i nada adong ho puna. Au do Tuhan, Au do bagian siteanonmu.”

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.

PANGARATAION 10:9

I ma dalanna nada manjagit tano Marga Levi songon angka marga na asing; hasangapan do na nijagit ni halahi anso gabe malim ni Tuhan songon na nijanjihon ni Debata.)

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”

PANGARATAION 18:12

Dihagigihon Tuhan Debatamunu do halak na mambaen pangalaho na jahat i, jana hara ni i do umbaen na nipaorotNia angka bangso sian jolomunu.

1 TIMOTEUS 5:17

Angka sintua na denggan markarejo songon pamimpin, patut do lehenon dua noli lompit sangap tu halahi, lumobi angka na ringgas marjamita dohot mangajari.