PANGARATAION 14:21 - BIBEL JAMITA NA DENGGAN

²¹ Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”

PANGARATAION 14:21 ပူးပေါင်းရင်းမြစ်များ

HARURUAR 19:6

tapi hamu ma na gabe songon malim na mangoloi Raja i, bangso na badia. On do angka hata sidohononmu tu angka halak Israel.”

HARURUAR 22:30

Lehen ma di Au na parjolo sorang sian pahan-pahananmunu dohot sian biri-birimunu. Padiar hamu ma laing rap dohot inangna pahan-pahanan jantan na parjolo sorang rap dohot indukna i, pitu ari lolotna, jadi pasahat hamu ma i tu Au gabe haul di ari pasalapankon.

HARURUAR 23:19

Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

JEHESKIEL 44:31

Unggas dohot angka binatang na asing i na mate sandiri, nada tola panganon ni angka malim.”

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

DANIEL 8:24

Mur martamba ma hagogoonnia, tapi nada sagogo ni na parjolo i. Paroonnia ma hamamago na jorbut situtu, jana sai tulus do sanga aha na nibaennia. Bunuonnia ma angka halak na gogo dohot bangso ni Debata.

HAMALIMON 11:40

Muda dipangan halak bangke ni binatang na songon i sanga na ahana pe dipangan ia, angkon dibasu ia pakeannia, jana hodar do ia lopus tu andospotang.

HAMALIMON 17:15

Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

HAMALIMON 22:8

Nada tola panganonnia juhut ni binatang na mate haram sanga na nisoro ni binatang panyoro. Muda dipangan ia i gabe ramun do ia. Au do Tuhan.

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

PANGARATAION 14:2

Bangso na badia do hamu di Tuhan Debatamunu; sian sandok bangso na di ginjang tano on, hamu do na nipili ni Tuhan gabe bangso hapunjunganNia.”

PANGARATAION 14:20

Binatang na marruas na so haram tola do i panganonmunu.

PANGARATAION 7:6

Baen hamu ma sudena i, dibaen bangso na badia di Tuhan Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

1 PETRUS 1:16

Di Buku Na Badia i tarsurat do, “Angkon badia do hamu, angke Au pe na badia do.”