PANGARATAION 13:17 - BIBEL JAMITA NA DENGGAN

¹⁷ Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 13:17 ပူးပေါင်းရင်းမြစ်များ

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:14

Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.

MASMUR 85:3

Nada be dimuruki Ho halahi; parpiar ni murukMu ditarik Ho do mangulahi.

HARURUAR 20:6

Tapi patidahononKu do holong ni rohangKu maradopkon marribu-ribu halak; i ma na mangkaholongi Au jana na mangoloi parentangKu.

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

HOSEA 11:9

Nada uhumanKu ho di bagasan rimas ni rohangKu; nada ropukkononKu be Israel. Dibaen Debata do Au, nada jolma. Au Na Badia mandongani ho, jana nada muruhanKu be ho.”

BILANGAN 25:4

didok ma tu si Musa, “Palagut ma sude pamimpin ni Israel, dung i bunu ma halahi di jolo ni halak na bahat i gabe hatutulus ni parentangKu, anso mintop murukKu tu bangso on.”

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

PANGARATAION 13:18

asalkon ma dioloi hamu sude parentaNia na hulehen tu hamu di ari sadari on, jana dipatulus hamu sandok hagiotNia.”

PANGARATAION 30:3

jadi gabe ibo ma roha ni Tuhan Debatamunu i mida hamu. ObanonNia ma hamu mangulahi sian angka bangso inganan parserahanmunu i, jana baenonNia ma hamu maduma mangulahi.

PANGARATAION 30:5

Jadi tarbaen hamu ma mangulahi mambuat tano i, tano na niinganan ni ompumunu narobi. Jana baenonNia hamu mur tu makmurna, jana bilanganmunu pe mur mabahat sian na jungada dialami angka ompumunu.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

JOSUA 22:20

Ingot ma! Si Akan anak ni si Zerah i pe na so ra mangihutkon parenta ni Tuhan salaho tu barang-barang sisoadahononkon. Jana aha do akibatna? Sude Israel hona uhum! Hum si Akan do na mardosa, hapengani anggo na mate nada hum ia sajo!”

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

JOSUA 6:24

Dung i disurbu tentara ni Israel ma sude kota i dohot sude na adong di bagasanna, asing sian angka barang sere, perak, tumbaga dohot angka barang na sian bosi. Dibuat halahi do angka barang-barang i jana dioban tu inganan panyimpanan ni arta nampuna ni Tuhan.

JOSUA 6:26

Diparuar si Josua do di hatiha i larangan songon on, “Sanga ise na mancubo giot mambangun kota Jeriko on mangulahi, hona bura ni Tuhan do i. Sanga ise na mamayakkon ojahanna gabe agoan anak siangkaan; jana sanga ise na mamasang angka pintu ni horbanganna i gabe agoan anak sianggianna.”

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.

JOSUA 8:28

Disurbu si Josua ma Ai, bulus dipadiar ia gabe lobu. Lopus saonnari laing tong do songon i parhutaan i.