PANGARATAION 13:15 - BIBEL JAMITA NA DENGGAN

¹⁵ angkon bunuon do sude halak kota i rap dohot sude pahan-pahanan ni halahi. Angkon nironcohon sude kotana i.

PANGARATAION 13:15 ပူးပေါင်းရင်းမြစ်များ

ESRA 10:16

Laing hot do giot padalanon ni angka halak buangan na dung mulak i sangkap i, jadi gabe dipili Malim Esra ma sanga na piga-piga halak sian tonga-tonga ni angka kapala ni horong, lalu disuratkon ia goarna. Di tanggal sada bulan sampulu dipungka halahi ma manangkasi parkaro i.

HARURUAR 22:20

Sanga ise na pasahat haul sanga tu debata dia pe i asing sian Au Tuhan, angkon mate niuhuman.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HAMALIMON 27:28

Sada pe nada tola manggadis sanga manobusi mulak sanga aha na dung dilehen tu Tuhan, sanga na jolma pe i, pahan-pahanan sanga tano. Tuhan do nampuna i ro di salolotna.

PANGARATAION 13:14

Muda adong habegean hata-hata na songon i, angkon sihir do tangkasanmunu. Muda tutu do tarjadi hajahatan na songon i antong,

PANGARATAION 17:4

muda tarbege tu hamu barita na songon i, angkon manat do sihiranmunu. Sugari sura tutu, bahaso na dung tarjadi hajahatan i di Israel,

PANGARATAION 2:34

Laing di hatiha i tarampas jana taroncohon ganop kota, jana tabunu pangisina i sudena, halaklahi, dadaboru dohot angka dakdanak. Nada adong na tapadiar mangolu.

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

JOSUA 6:24

Dung i disurbu tentara ni Israel ma sude kota i dohot sude na adong di bagasanna, asing sian angka barang sere, perak, tumbaga dohot angka barang na sian bosi. Dibuat halahi do angka barang-barang i jana dioban tu inganan panyimpanan ni arta nampuna ni Tuhan.

HALUMBAAN 17:16

Tanduk na sampulu na niidami dohot binatang i, margoyak ni roha ma mida panggampang i. Baenon ni halahi ma ia lungun-lungunan jana salang-salang. Panganon ni halahi ma sibukna jana pangabison ni halahi ma ia dohot api.

HAKIM-HAKIM 20:3

Laing tarbege do di hatiha i di angka halak Benyamin bahaso na dung marlagut sude halak Israel na asing i di Mispa. Jadi disapai angka halak Israel i ma halak Levi na hona bunu i radingna, “Caritohon ma jolo antong tu hami sanga na bia pangalahona tarjadi hajahatan i!” Dialusi halak Levi i ma, “Na kehe do au dohot radingki marborngin di Gibea na di Luat Benyamin.

HAKIM-HAKIM 20:48

Dung i mulak ma halak Israel i lalu diporangi halahi ma jana dibunu ma sudena halak Benyamin na teba i – halaklahi, dadaboru, angka dakdanak songon i muse dohot pahan-pahanan. Jana disurbu halahi ma sada kota na adong di luat i.