PANGARATAION 12:8 - BIBEL JAMITA NA DENGGAN

⁸ Muda dung dapot hatiha i, ulang be baen hamu songon na saonnari. Lopus saonnari sude hamu marroha-roha dope na maribadat i,

PANGARATAION 12:8 ပူးပေါင်းရင်းမြစ်များ

PODA 21:2

Mungkin tigor do sude pambaenanmu di panatapanmu, tapi Tuhan do manimbang maksud ni rohamu.

AMOS 5:25

Ale halak Israel, taran Hutogu-togu hamu mamolus padang halongonan opat pulu taon honokna, nada Hupangido angka haul sian hamu.

BILANGAN 15:39

Hasaya ni rambu-rambu i gabe parningotan ma i. Ganop diida hamu i ingotonmunu ma sude parentangKu jana angkon patulusonmunu. Jadi hara ni i nada hudukkononmunu be Au giot patuluskon lungun ni rohamunu dohot hagiotmunu sandiri.

BAENON NI ANGKA RASUL 7:42

Dung i ditadingkon Debata ma halahi jana dipadiar Debata ma halahi manyombai angka bintang na di langit i. Hombar do i tu na tarsurat di buku ni angka panurirang. Songon na tarsurat, ‘Ale hamu halak Israel! Jungada dehe dilehen hamu di Au haul na nitutung sanga haul na nisambol salolot na opat pulu taon di halongonan?

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

JOSUA 3:9

Dung i dipio si Josua ma angka halak Israel i jana didok ia ma, “Tole, tangihon hamu ma sanga aha na niparentahon ni Tuhan Debatamunu.

JOSUA 5:5

Di hatiha na haruar angka halak Israel sian Mesir, na dung marsunat do sude angka halaklahi di halahi. Tapi di na madang-adang angka halak Israel di parhorsihan opat pulu taon honokna, sada halak pe sian dakdanak ni halahi halaklahi nada adong dope na disunat.

HAKIM-HAKIM 17:6

Di hatiha i nada adong raja ni bangso Israel; marsibaen roha-rohana be do ganop jolma.

HAKIM-HAKIM 21:25

Nada adong dope di hatiha i raja di Israel. Marguru tu giot ni rohana be do ganop halahi.