PANGARATAION 12:7 - BIBEL JAMITA NA DENGGAN

⁷ Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

PANGARATAION 12:7 ပူးပေါင်းရင်းမြစ်များ

1 JUJUR TAON 29:22

Mangan minum ma halahi di ari i marmoga-moga di adopan ni Tuhan. Jadi laing dipadua noli halahi muse ma pabotohon na dung gabe raja si Salomo. Mangasahon goar ni Tuhan, dirasmihon halahi ma ia gabe raja ni halahi dohot si Zadok gabe malim.

NEHEMIA 8:9

Umbege Uhum na disise i, gok ma roha ni rayat i lalu martangisan halahi. Jadi gabe didok Gubernur Nehemia ma dohot Malim Esra Ahli Uhum i, maradu angka halak Levi na patorangkon Uhum i tu sude rayat i songon on, “Ari hapunjungan do ari sadari on di Tuhan Debatamu, jadi ulang hamu marsak sanga tangis.

PARJAMITA 3:12

Huboto do, nada adong na dumenggan di hita sian na marjop ni roha dohot na mangkilalahon ngolu on salolot di ngolunta.

PARJAMITA 3:13

Angkon mangan do hita sudena, minum dohot mangarasoi suha ni karejonta. Silehen-lehen ni Debata do i.

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

JESAYA 62:9

Tapi hamu na manyuan dohot na palagut suhana, panganonmunu ma suhana jana pujionmunu ma Tuhan. Hamu na palagutkon batu ni anggur, inumonmunu ma aekna di alaman ni BagasKu.”

JEHESKIEL 44:3

Tapi tola do kehe anggo angka parkuaso na mamarenta tu dalan ni horbangan on laho mangankon sipanganon na badia di adopanKu. Angkon mamolus sian bilik na lapang i masukna jana laho mulak pe laing sian i muse.”

JOEL 1:16

Di na abis sipanganonta, manatap sajo ma hita, gogo soada. Nada jumpang be jop ni roha di Bagas Ni Debatanta.

JOEL 2:26

Tuk ma sipanganon di hamu, nada be sai malean, pujionmunu ma mangulahi Debatamunu, Tuhan, angke dibaen Ia do di hamu bahat hahomangan. Indada gabe sihata-hataan ni halak be bangsongKi!

HAMALIMON 23:40

Di ari parjolo i ma ho mambuat parbatu ni suan-suananmu, buat muse ma angka bulung ni harambir dohot bulung sian dangka na rimbun, dung i mamungka ma pesta parayaan ugamo i laho pasangapkon Tuhan Debatamu.

MALEAKI 2:13

On ma parbuatanmunu deba nari. Dilonong hamu do langgatan ni Tuhan dohot ilu ni mata, tangis do hamu jana mangandungi patunda ni na so ra be Tuhan manjagit angka haulmunu.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 12:18

Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

PANGARATAION 12:8

Muda dung dapot hatiha i, ulang be baen hamu songon na saonnari. Lopus saonnari sude hamu marroha-roha dope na maribadat i,

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

PANGARATAION 14:26

Tobusi hamu ma disi sanga aha por ni rohamunu – juhut ni lombu, biri-biri, anggur, dohot siinumon na mambaen mabuk – laing di inganan i di adopan ni Tuhan, angkon marsonang-sonang do hamu mangan dohot pangisi ni bagasmunu.

PANGARATAION 15:20

Ganop taon angkon panganonmunu do i rap dohot isi ni bagasmunu di adopan ni Tuhan, di inganan paribadatan na dung ditontuhon Tuhan.

PANGARATAION 26:11

Dokkon ma tarimakasi hara ni sude rasoki na nilehen ni Tuhan Debatamu di ho dohot di dongan sabagasmu. Laing piohon ma halak Levi dohot halak sileban na maringanan di tonga-tongamunu anso dohot di pesta i.

PANGARATAION 27:7

Angkon laing di inganan i muse ma hamu manghaulkon dohot mangankon haul pardonganan dohot mandok tarimakasi di adopan ni Tuhan Debatamunu.

PANGARATAION 28:47

Madung dipasupasu Tuhan ho di sude pangalaho, hapengani nada ra ho mangoloi Ia mardongan jop ni roha dohot hamogaan.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!