PANGARATAION 12:5 - BIBEL JAMITA NA DENGGAN

⁵ Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 12:5 ပူးပေါင်းရင်းမြစ်များ

1 RAJA-RAJA 14:21

Marumur opat pulu sada taon ma si Rehabeam anak ni si Salomo di na mamungka ia gabe raja. Pitu bolas taon honokna mamarenta ia di Jerusalem, kota na nihapunjungkon ni Tuhan sian sude Israel gabe inganan maribadat tuSia. Si Naama boru na sian bangso Amon do inang ni si Rehabeam.

1 RAJA-RAJA 8:20

Antong saonnari madung dipatulus Tuhan i janjiNa. Madung gabe raja au di Israel manggonti damang, jana madung hupajongjong muse bagas parsombaan di Tuhan Debata ni Israel.

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

1 RAJA-RAJA 8:29

Arian na borngin Ho ma manjagohon bagas parsombaan on na dung dipiliMu di Ho muda martangiang dohot bangsoMi mangadop tu bagas on, dung i muse muda ro au dohot bangsoMi martangiang manopot Ho tu bagas on sai tangihon ma hami jana sesa dosanami haru di banua ginjang pe ingananMu.”

2 RAJA-RAJA 18:22

Dung i didok parpangkat i muse ma, “Sanga betak na didok hamu do na mararop roha tu Tuhan, Debatamunu i hamu? Di na niparentahon ni si Hiskia lakna anso hum di jolo ni langgatan na di Jerusalem i sajo manyomba halak Juda dohot Jerusalem, inda he langgatan dohot angka inganan parsombaan tu Tuhan i sandiri na nisego-segonia?

1 JUJUR TAON 22:1

Jadi ning si Daud ma, “Angkon dison noma baenon Bagas Ni Tuhan Debata. Jana on ma langgatan inganan ni halak Israel manghaulkon haul situtungon tu Tuhan.”

2 JUJUR TAON 7:12

dipataridahon Tuhan ma mangulahi dirina tu si Salomo topet borngin-borngin. Didok Tuhan ma, “Madung Hutangihon tangiangmi, jana dohot on ma Hupabotohon anggo bagas na dung dipajongjongmon, na gabe inganan na mamunjung ma i laho maribadatan tu Au salolot ni lolotna.

ESRA 3:2

dung i dibangun si Jesua anak ni si Jehosadak dohot angka donganna dohot si Zerubabel anak ni si Sealtiel maradu kahanggina ma langgatan ni Debata ni Israel. Jadi hara ni i, tarbaen halahi ma manutung haul di ginjangna i, domu tu angka panogu-noguon na tarsurat di bagasan Buku Uhum Ni si Musa, naposo ni Debata.

ESRA 6:12

Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

ESRA 7:17

Pake ma hepeng i sadenggan-dengganna laho manobusi lombu jantan, angka biri-biri jantan, anak ni biri-biri, gandum dohot anggur. Haulkon ma sudena i di ginjang ni langgatan ni Bagas Ni Tuhan na di Jerusalem.

NEHEMIA 1:9

Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

MASMUR 78:68

Marga Juda do na nipulditNia, dohot Dolok Sion na nihasianNia.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

HARURUAR 25:22

Disi ma Au marsuo dohot ho, jana sian ginjang tutupna i di holang-kolang ni kerub na dua na marhabong i, sian i ma lehenonKu angka aturan tu bangso Israel.”

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 7:12

Tu Silo ma hamu kehe, kota na Hutodo narobi gabe inganan paribadatan tu Au. Ligi hamu ma sanga songon dia na Hubaen maradopkon kota i hara ni dosa ni bangsongKu Israel.

JEREMIA 7:14

Antong baenonKu ma songon na tu Silo narobi tu BagasKu na nipangasahonmunu on jana na Hulehen tu ompumunu dohot tu hamu.

BILANGAN 7:89

Hatiha masuk si Musa tu Bandar Na Badia giot mangkatai dohot Ia, dibege ia ma Tuhan i mangkuling tusia sian ginjang ni tutup ni Poti Parjanjian i di antara ni kerub na dua i.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:13

Nada tola obanonmunu haulmunu tu sandok inganan na nipilimunu sandiri,

PANGARATAION 12:18

Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

PANGARATAION 12:4

Muda marsomba hamu tu Tuhan Debatamunu i, ulang tiru-tiru hamu pambaen ni halahi di na mamele angka debata ni halahi.

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

PANGARATAION 14:24

Muda madaotu inganan paribadatan i sian bagasmunu, gabe nada taroban hamu sisaparsampulu ni suha ni tanomunu i tu inganan i, anggo i

PANGARATAION 15:20

Ganop taon angkon panganonmunu do i rap dohot isi ni bagasmunu di adopan ni Tuhan, di inganan paribadatan na dung ditontuhon Tuhan.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 16:15

Pitu ari honokna angkon hagodangkononmunu pesta on laho pasangapkon Tuhan di inganan paribadatan na sada i. Marjop ni roha ma hamu hara ni na nipasupasu ni Tuhan panen dohot karejomunu.

PANGARATAION 16:2

Kehe ma hamu tu inganan paribadatan i laho manyambol sada sian biri-biri sanga lombumunu gabe panganon Paskah laho pasangapkon Tuhan Debatamunu.

PANGARATAION 16:7

Angkon bolgangon do juhut ni pahan-pahanan i, jana angkon di inganan paribadatan i do i panganon, jana ancogotna i angkon mulak hamu.

PANGARATAION 17:8

Betak sai adong parkaro na so tarputuskon angka hakim di sada inganan hara ni na mamaoltu, umpamana taringot tu hak parnampunaon, na marsibugangan pamatang, sanga parkaro na marsibunuan na sangajo sanga na so sangajo, di na songon i angkon kehe do hamu tu inganan paribadatan na nitontuhon ni Tuhan Debatamunu i.

PANGARATAION 18:6

Muda adong sada halak Levi sanga na sian kota dia pe i di Israel, na ro tu inganan paribadatan na nitontuhon ni Tuhan, dung i gabe por rohania tinggal di inganan i,

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

PANGARATAION 31:11

Sise hamu ma i tu halak Israel di na ro halahi marsomba tu Tuhan Debatamunu di sada inganan paribadatan na dung ditontuhon.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.

JOSUA 22:11

Jadi gabe sar ma hata-hata on di tonga-tonga ni halak Israel, “Madung dipajongjong angka halak sian Marga Ruben, Gad dohot Manase Parhabincaran sada langgatan di Gelilot, di bagian ni luatta di lambung ni Batang aek Jordan!”

JOSUA 9:27

Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.