PANGARATAION 12:4 - BIBEL JAMITA NA DENGGAN

⁴ Muda marsomba hamu tu Tuhan Debatamunu i, ulang tiru-tiru hamu pambaen ni halahi di na mamele angka debata ni halahi.

PANGARATAION 12:4 ပူးပေါင်းရင်းမြစ်များ

1 RAJA-RAJA 14:15

Uhumon ni Tuhan ma Israel lopus marlapat-lapat songon arung na di batang aek. Buaton ni Tuhan ma halak Israel sian luat na denggan on na nilehenNa tu ompu ni halahi. Sarsarkonon ni Tuhan ma halahi di ipar ni Batang aek Efrat, hara ni na nipagilap-gilap ni halahi muruk ni rohaNia di na nibaen ni halahi angka patung ni debata boru-boru Asera.

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

PANGARATAION 12:3

Parrumpakkon hamu ma angka langgatan ni halahi jana ropuhi hamu angka tiang batu na nietong ni halahi keramat. Tutungi hamu ma angka na manggambarkon Asera debata ni halahi jana sarsarkon hamu ma angka patung ni halahi, lopus nada tarbaen be marsomba tu barang-barang i di inganan i.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 20:18

Angkon bunuonmunu do halahi, anso ulang mardosa hamu maradopkon Tuhan hara ni na mangihut di pangajaran ni halahi laho mambaen angka pangalaho hagigian na nipatupa ni halahi di na mamele angka debata ni halahi.

JOSUA 22:15

Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.