Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PANGARATAION 12:31 - BIBEL JAMITA NA DENGGAN

31 Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

အခန်းကိုကြည့်ပါ။ ကော်ပီ




PANGARATAION 12:31
24 ပူးပေါင်းရင်းမြစ်များ  

Tiruan ni angka raja ni Israel do diihutkon ia, salangkan anaknia sandiri pe dipasahat ia do gabe haul tu gana-ganaan, mangihutkon hasomalan na so ture di angka jolma na hona usir ni Tuhan sian Luat Kanaan di na masuk halak Israel tu luat i.


halak Awa mambaen patung ni Nibhas dohot Tartak; jana halak Sefarwaim mamelehon angka dakdanak ni halahi songon haul situtungon tu debata Adramelek dohot Anamelek.


Mardosa do si Manase tu Tuhan hara ni na niihutkonnia angka hasomalan na jahat sian angka bangso na nipaorot ni Tuhan sian Kanaan di na laho masuk halak Israel tu luat i.


Jadi gabe dibuat ia ma anak na giot panggontinia lalu dihaulkon ia ma i di ginjang ni tembok ni kota i gabe haul tu dewa ni Moab. Gabe mabiar ma angka halak Israel, jabat ditarik halahi pasukanna sian kota i lalu mulak tu luat ni halahi.


Mardosa do si Manase tu Tuhan, hara ni na mangihutkon angka hasomalan na jahat sian angka bangso na niusir ni Tuhan sian Kanaan di hatiha na masuk halak Israel tu luat i.


Tamba ni i, dipahodar angka pamimpin ni Juda, angka malim dohot rayat do Bagas Ni Tuhan na dung dihapunjungkon tu Tuhan i sandiri, harana dohot do antong halahi sandiri marsomba gana-ganaan dohot mangihutkon parngoluon na mardosa songon angka bangso na asing na humaliang halahi.


Angka dakdanak ni halahi sandiri pe dilehen gabe haul tu angka parbeguan sisombaon di Kanaan.


Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.


Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”


Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.


Jana lopus tu sadari on pe dipahodar hamu do dirimunu marhite na maroban pelean dohot na manutungi angka dakdanakmunu baen haul tu angka gana-ganaan i. Antong laing puluk dope he hamu mangido panogu-noguon tu au? Hara ni Au na mangolu, Tuhan Debata, nada Huloas hamu mangido panogu-noguon sian Au.


Songon i noma baenonKu laho mangantak panggintal ni hagiotmu dohot sude parhamainonmu na nibaenmu mamungka taran di Mesir dope ho. Nada be marpos ni roha ho tu gana-ganaan sanga taringot rohamu tu Mesir.”


Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.


Ulang tiru pangalaho ni halak Mesir na dung jungada diingani hamu luat ni halahi, sanga pe maniru halak Kanaan, na giot masuhanmunu luat ni halahi mardongan partolonganKu.


mandok hata on tu bangso Israel, “Sanga ise sian tonga-tongamunu, sanga halak na leban na tinggal rap dohot hamu, mangalehen anakna gabe pangoloi di Debata Molok, angkon dangguran ni halak na bahat do i dohot batu lopus mate.


Sonang dehe roha ni Tuhan muda huoban tuSia marribu-ribu biri-biri sanga miak zetun marlobi-lobi? Angkon haulkononku dehe tuSia anakku siangkaan baen tobus ni angka dosangku?


Dung diabiskon Tuhan angka bangso i, angkon jamot-jamot do hamu. Ulang cubo-cubo hamu manangkas-nangkasi pambaen ni halahi manyomba debata ni halahi dohot maksud laho maniru halahi. Ulang ale! Mangalapi hamatean do pangalaho na songon i!


Muda marsomba hamu tu Tuhan Debatamunu i, ulang tiru-tiru hamu pambaen ni halahi di na mamele angka debata ni halahi.


Angkon bunuonmunu do halahi, anso ulang mardosa hamu maradopkon Tuhan hara ni na mangihut di pangajaran ni halahi laho mambaen angka pangalaho hagigian na nipatupa ni halahi di na mamele angka debata ni halahi.


Dung dipaorot Tuhan Debatamunu i halahi hara ni hamu, ulang dokkon hamu muse tu dirimunu sandiri, dioban Ia pe hamu tusi anso hamu nampuna tano i, hara ni na burju hamu jana dipatulus hamu hagiot ni Tuhan gabe patut ma hamu manjagitsa. Nada songon i! Dipaorot Tuhan pe angka bangso i di hamu, hara ni na jahat do halahi.


Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ