PANGARATAION 12:23 - BIBEL JAMITA NA DENGGAN

²³ Hum juhut na laing marmudar do na so tola panganonmunu, angke di mudar i do hosa, jadi nada tola hamu mangankon ngolu i rap dohot juhutna.

PANGARATAION 12:23 ပူးပေါင်းရင်းမြစ်များ

PAMUNGKAAN 9:4

Hum on ma na so tola panganonmunu, i ma juhut na laing marmudar; harana di mudar i do hosa.

JEHESKIEL 33:25

Jadi hara ni i disuru Tuhan Debata i ma au palaluhon tonaNia on tu halahi, “Dipangan hamu do juhut na marmudar dope; disomba hamu gana-ganaan jana mamunu jolma hamu. Na puluk ma da hamu mandok hamu nampuna tano on.

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

HAMALIMON 17:11

Hosa ni ganop na mangolu, di bagasan mudarna do. Hara ni i ma dibaen diparentahon Tuhan anso sude mudar diduruskon di ginjang ni langgatan anso sesa sude dosa. Sarupa dohot hosa do mudar i manyesa dosa.

HAMALIMON 19:26

Ulang pangan juhut anggo laing marmudar dope. Ulang mamake elmu na songon dia pe.

HAMALIMON 7:26

Barang di dia pe halak Israel maringanan, nada tola panganon ni halahi mudar ni unggas sanga mudar ni binatang na asing pe.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

PANGARATAION 12:16

Tapi anggo mudar ni binatang i ulang cubo-cubo hamu mangankonsa; tapi angkon diduruskon do i tu tano songon aek.

PANGARATAION 12:22

Ganop halak, na ias sanga na so ias mangihutkon aturan ni ugamo, tola do mangankon juhut, tudos tu na mangankon juhut ni hije sanga ursa.

PANGARATAION 12:24

Ulang cubo-cubo hamu mangankon mudar, tapi duruskon hamu ma i tu tano songon aek.

PANGARATAION 15:23

Tapi anggo mudarna i ulang pangan hamu, tapi angkon duruskononmunu do i tu tano songon aek.”

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

1 SAMUEL 14:32

jadi gabe marsibuat barang na nirampas sian musu ma halahi; dibuat halahi do lombu dohot biri-biri lalu disamboli halahi laing di inganan i jana dipangan halahi juhut na marmudar-mudar dope.

1 SAMUEL 14:33

Jadi dipaboa ma songon on tu si Saul, “Rajanami, mardosa do rayat i tu Tuhan, dipangan halahi do juhut na marmudar.” “Na manghianat do hamu!” ning si Saul marsurak. “Gulang hamu ma jolo tuson sada batu na godang.”