PANGARATAION 12:18 - BIBEL JAMITA NA DENGGAN

¹⁸ Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

PANGARATAION 12:18 ပူးပေါင်းရင်းမြစ်များ

MASMUR 32:11

Marjop ni roha ma hara ni Tuhan, o hamu halak na burju roha, marsurak ma hamu marmoga-moga, hamu sude na burju mangoloisa!

MASMUR 68:3

Hape anggo halak na daulat marmoga-moga, marolop-olop di jolo ni Debata.

PODA 3:17

Sonang jana maduma do ngolumu baenon ni habisuhon.

PARJAMITA 3:12

Huboto do, nada adong na dumenggan di hita sian na marjop ni roha dohot na mangkilalahon ngolu on salolot di ngolunta.

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

JESAYA 12:3

Jadi marjop ni roha ma hamu manimba aek sian mual haluaan.”

BAENON NI ANGKA RASUL 16:34

Dung i dioban ia ma si Paulus dohot si Silas tu bagasnia dihobasi ma panganon di halahi. Jop sajo noma rohania dohot halahi na sabagas hara ni na dung porsaya halahi saonnari tu Debata.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

PANGARATAION 12:14

tapi haulkon hamu ma di sada inganan sajo na ditontuhon ni Tuhan di luat ni sada sian margamunu. Hum tusi sajo do tola obanonmunu haul situtungon dohot patuluskon angka na asing na huparentahon tu hamu.

PANGARATAION 12:19

Denggan ma jagohon hamu anso ulang jabat tarlalap hamu tu horong Levi salolot mangolu hamu di tano i.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

PANGARATAION 15:20

Ganop taon angkon panganonmunu do i rap dohot isi ni bagasmunu di adopan ni Tuhan, di inganan paribadatan na dung ditontuhon Tuhan.

1 SAMUEL 1:4

Ganop kehe si Elkana manghaulkon haul, dilehen ia do juhut ni haul i di si Penina dohot di sude anaknia i.