PANGARATAION 12:11 - BIBEL JAMITA NA DENGGAN

¹¹ Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:11 ပူးပေါင်းရင်းမြစ်များ

1 RAJA-RAJA 8:13

Dison hupajongjong di Ho tarsongon bagas godang baen inganan ma i di Ho sapanjangna.”

1 RAJA-RAJA 8:29

Arian na borngin Ho ma manjagohon bagas parsombaan on na dung dipiliMu di Ho muda martangiang dohot bangsoMi mangadop tu bagas on, dung i muse muda ro au dohot bangsoMi martangiang manopot Ho tu bagas on sai tangihon ma hami jana sesa dosanami haru di banua ginjang pe ingananMu.”

2 RAJA-RAJA 18:22

Dung i didok parpangkat i muse ma, “Sanga betak na didok hamu do na mararop roha tu Tuhan, Debatamunu i hamu? Di na niparentahon ni si Hiskia lakna anso hum di jolo ni langgatan na di Jerusalem i sajo manyomba halak Juda dohot Jerusalem, inda he langgatan dohot angka inganan parsombaan tu Tuhan i sandiri na nisego-segonia?

1 JUJUR TAON 22:1

Jadi ning si Daud ma, “Angkon dison noma baenon Bagas Ni Tuhan Debata. Jana on ma langgatan inganan ni halak Israel manghaulkon haul situtungon tu Tuhan.”

2 JUJUR TAON 6:20

Sai jagohon ma arian dohot borngin bagas paribadatan na dung dipiliMon di Ho. Hara ni i, sai tangihon ma sian inganan parmiananMu di banua ginjang jana ampuni ma au dohot bangsoMon muda ro hami mangadop tu bagasMon jana martangiang tu Ho.”

2 JUJUR TAON 7:12

dipataridahon Tuhan ma mangulahi dirina tu si Salomo topet borngin-borngin. Didok Tuhan ma, “Madung Hutangihon tangiangmi, jana dohot on ma Hupabotohon anggo bagas na dung dipajongjongmon, na gabe inganan na mamunjung ma i laho maribadatan tu Au salolot ni lolotna.

ESRA 6:12

Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

MASMUR 100:2

Marsomba ma tu Tuhan mardongan jop ni roha, ro ma tu joloNia lalu marendei!

MASMUR 116:17

Obanonku ma haul tarimakasi tu Ho, lalu martangiang ma au tu Ho, ale Tuhan.

MASMUR 66:13

Ro do au maroban haul situtungon tu BagasMu, jana hugohi tu Ho janjingku,

MASMUR 78:68

Marga Juda do na nipulditNia, dohot Dolok Sion na nihasianNia.

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 29:45

Maringanan ma Au di tonga-tonga ni halak Israel, jana Au ma Debata ni halahi.

JEREMIA 7:12

Tu Silo ma hamu kehe, kota na Hutodo narobi gabe inganan paribadatan tu Au. Ligi hamu ma sanga songon dia na Hubaen maradopkon kota i hara ni dosa ni bangsongKu Israel.

PANGARATAION 12:13

Nada tola obanonmunu haulmunu tu sandok inganan na nipilimunu sandiri,

PANGARATAION 12:14

tapi haulkon hamu ma di sada inganan sajo na ditontuhon ni Tuhan di luat ni sada sian margamunu. Hum tusi sajo do tola obanonmunu haul situtungon dohot patuluskon angka na asing na huparentahon tu hamu.

PANGARATAION 12:18

Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

PANGARATAION 12:21

Muda madao tu umpamana inganan paribadatan na sada i, tola ma hamu sanga na sadihari manyambol sada sian lombu sanga biri-biri na dung dilehen ni Tuhan di hamu, jana juhutna i pe tola ma panganonmunu di bagas, songon na dung hudok tu hamu.

PANGARATAION 12:26

Sude haul na dung dijanjihon hamu tu Tuhan, angkon obanonmunu do tu inganan paribadatan na sada i.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

PANGARATAION 15:19

Lombu jantan, hambeng jantan, dohot biri-biri jantan na parjolo sorang, haulkon hamu ma i tu Tuhan. Nada tola pakeon lombu i manarik bajak, jana biri-biri i nada tola cukuron.

PANGARATAION 15:20

Ganop taon angkon panganonmunu do i rap dohot isi ni bagasmunu di adopan ni Tuhan, di inganan paribadatan na dung ditontuhon Tuhan.

PANGARATAION 17:8

Betak sai adong parkaro na so tarputuskon angka hakim di sada inganan hara ni na mamaoltu, umpamana taringot tu hak parnampunaon, na marsibugangan pamatang, sanga parkaro na marsibunuan na sangajo sanga na so sangajo, di na songon i angkon kehe do hamu tu inganan paribadatan na nitontuhon ni Tuhan Debatamunu i.

PANGARATAION 18:6

Muda adong sada halak Levi sanga na sian kota dia pe i di Israel, na ro tu inganan paribadatan na nitontuhon ni Tuhan, dung i gabe por rohania tinggal di inganan i,

PANGARATAION 23:16

Tola do i tinggal di sada sian hutamunu marguru tu na nipilinia, jana nada tola pajolo gogo hamu tusi.

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

PANGARATAION 31:11

Sise hamu ma i tu halak Israel di na ro halahi marsomba tu Tuhan Debatamunu di sada inganan paribadatan na dung ditontuhon.

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.

JOSUA 22:11

Jadi gabe sar ma hata-hata on di tonga-tonga ni halak Israel, “Madung dipajongjong angka halak sian Marga Ruben, Gad dohot Manase Parhabincaran sada langgatan di Gelilot, di bagian ni luatta di lambung ni Batang aek Jordan!”

JOSUA 22:16

Jadi songon gonti ni sude halak ni Tuhan, didok halahi ma tu halak na sian Marga Ruben, Gad dohot Manase Parhabincaran i, “Biasi baenonmunu pangalaho na jahat on maradopkon Debata ni Israel? Na mangalo Tuhan do hamu, di na nibaenmunu langgatan di hamu! Nada dipatulus hamu be angka na niparentahonNia!

JOSUA 22:23

Muda na tutu ma hami nada mangihutkon parenta ni Tuhan marhite na pajongjong langgatannami sandiri laho manghaulkon haul situtungon sanga laho manghaulkon haul gandum sanga haul haluaan di ginjangna i, sai Tuhan i sandiri ma na manguhumi hami.

JOSUA 22:27

tapi anso gabe tanda do i di hita na dua pihak, dohot di pomparanta tu pudian ni ari, bahaso na tutu do hami on marsomba tu Tuhan di Bandar ParmiananNia i marhite na maroban haul situtungon, angka sihaulkonon dohot haul haluaan. Jadi muda songon i, nada dohonon ni pomparanmunu be bahaso na so adong sanga na aha parsambungan ni pomparannami dohot Tuhan.

JOSUA 22:29

Pos ma rohamunu, nada ra hami anggo mangalo Tuhan sanga mantak hami mangoloi tuSia marhite na pajongjong langgatan na asing baen tu haul situtungon sanga haul gandum sanga sihaulkonon; angke madung adong do antong langgatan ni Tuhan Debatanta di jolo ni Bandar Parmianan Ni Tuhan.”

JOSUA 9:27

Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.

1 SAMUEL 1:21

Dapot ma hatihana di si Elkana dohot dongan sabagasna laho kehe tu Silo mangulahi laho manghaulkon haul siganop taon tu Tuhan. Tamba ni i na dung marjanji do si Elkana laho manghaulkon haul na dumenggan.