PANGARATAION 12:10 - BIBEL JAMITA NA DENGGAN

¹⁰ Dung ditaripari hamu Batang aek Jordan, urupan ni Tuhan ma hamu mambuat dohot mangingani tano na di bariba ni batang aek i. OndihononNia do hamu sian sasude musumunu, jana di bagasan sonang ma hamu mangolu.

PANGARATAION 12:10 ပူးပေါင်းရင်းမြစ်များ

1 RAJA-RAJA 4:25

Salolot di ngolu ni si Salomo, sonang jana dame do halak di tano Juda dohot Israel, ganop ripe adong be kobun anggurna dohot kobun hayu arana.

1 RAJA-RAJA 8:56

“Pinuji ma Tuhan na dung mangalehen hasonangan tu bangsoNa songon na dung dijanjihonNia marhite si Musa naposoNa i. Sude janji i denggan do jana madung dipatulus Ia.

1 JUJUR TAON 22:18

Ning ia ma, “Madung diurupi Tuhan Debatamunu i hamu, jana dilehen dame dohot hasonangan di hamu. Dilehen Ia do hatiha hadenggananNa di au anso tartaluhon au sude angka bangso na mangingani luat on hian. Saonnari tunduk tu hamu noma halahi dohot tu Tuhan.

MASMUR 4:8

Gabe modom ma au di bagasan sonang angke hum Ho do da Tuhan na bisa manjago au.

HARURUAR 33:14

Jadi didok Ia ma, “Sai dongananKu do hamu jana lehenonKu hamonangan di hamu.”

PODA 1:33

Tapi anggo halak na manangihon au tarjamin do. Aman ngoluna jana nada porlu mabiar ia.”

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

JEHESKIEL 28:26

Sonang do disi halahi mangolu jana pajongjongonna ma angka bagas jana baenon ni halahi ma angka kobun anggur. UhumanKu ma sude hombar balok ni halahi na dung jungada palayaskon halahi, lopus marsonang-sonang Israel. Jadi gabe botoon ni halahi ma bahaso Au do Tuhan Debata ni halahi.”

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

JEHESKIEL 34:28

Nada samunon ni angka bangso na so mananda Au be halahi, sanga dijomak angka binatang panyoro. Di bagasan sonang noma halahi mangolu, jana sada halak pe nada adong be na mambaen mabiar halahi.

JEHESKIEL 38:11

Putuskononmu ma laho mamorangi luat na so marbenteng i, disi halakna mangolu di bagasan sonang so haribo-riboan di angka kota na so martembok jana na so adong parkokas ni partahananna.

JEHESKIEL 38:8

Sanga na piga taon nari suruonKu ma ia laho mamorangi sada luat na diingani ni halak na dipalagut mangulahi sian tonga-tonga ni bahat bangso jana maringanan muse di luat i di bagasan sonang. Inganan ni si Gog ma angka dolok ni Israel na dung honok mangalungun jana gok tapor-tapor, tapi saonnari na niingani ni rayat na mangolu di bagasan dame.

PANGARATAION 11:31

Nada sadia honok nari tariparanmunu ma Batang aek Jordan jana ingananmunu ma tano na giot silehenon ni Tuhan Debatamunu i di hamu. Dung dirampas hamu tano i jana maringanan hamu disi,

PANGARATAION 3:27

Kehe ma ho tu puncut ni Dolok Pisga jana tatap ma tu Utara dohot tu Selatan, tu Habincaran dohot tu Hasundutan. Tangkas ma parrohahon na niidami, angke anggo ho, indangkon na dohot be ho manaripari Batang aek Jordan.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

PANGARATAION 33:28

Mardame ma ngolu ni pomparan ni si Jakob i, sonang di tano na jogi gandum dohot aek ni anggur marlobi-lobian mangaehi tanona pe ombun na sian langit an.

PANGARATAION 4:22

Nada sadia honok nari taripar ma hamu jana ingananmunu ma tano na napu i, hape anggo au nada dohot be, marujung dison noma ngolungku.

PANGARATAION 9:1

“Tangihon hamu ma angka dongan sabangso! Di ari on tariparanmunu ma Batang aek Jordan laho mambuat tano ni angka bangso na gumodang jana na gumogo sian hamu. Godang-godang do angka kota ni halahi, martembok na gincat marsijongjong lalu tu langit.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 14:1

Ihut ma muse dison baritana sanga songon dia parbagina Luat Kanaan na di Hasundutan ni Batang aek Jordan di halak Israel. Anggo na marbagi-bagi tano i tu halak Israel, Malim Eleasar do, si Josua anak ni si Nun dohot angka kapala ni marga na sian marga-marga Israel.

JOSUA 3:17

Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.

JOSUA 4:12

Angka parporang ni Marga Ruben, Gad dohot satonga sian Marga Manase, mardalan ma di jolo ni sude bangso i maniop sinjata, songon na nidok ni si Musa karejohonon ni halahi.

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.