PANGARATAION 11:7 - BIBEL JAMITA NA DENGGAN

⁷ Olo tutu, hamu ma na dung marnida dohot matamunu sandiri sude hahomangan i na dung dibaen Tuhan.”

PANGARATAION 11:7 ပူးပေါင်းရင်းမြစ်များ

MASMUR 106:2

Ise do na tarbaen mamaritahon hagodangan ni pambaenanNia, dohot mangalehen puji-pujian na patut diSia?

MASMUR 145:12

Jadi botoon ni halak ma sudena karejoMu na sangap i, dohot harajaan na godang jana na jeges i.

MASMUR 150:2

Puji ma Ia hara ni hagodangan ni pambaenanNia. Puji ma Ia hara ni hagodanganNia na marmulia.

PANGARATAION 11:6

Diingot hamu muse dope na nibaenNia maradopkon si Datan dohot si Abiram, anak ni si Eliab na sian Marga Ruben i. Di jolomunu sude, mabola tano i mamondut halahi, rap dohot donganna sabagas, bandar, sude hatoban dohot pahan-pahanan ni halahi.

PANGARATAION 11:8

“Oloi hamu ma angka aturan na hulehen tu hamu di ari sadari on, dung i tarbaen hamu ma manaripari batang aek i dohot mamasuhi tano na giot siingananmunu santongkin nari.

PANGARATAION 27:10

Hara ni i, oloi hamu ma Tuhan i jana ihutkon hamu ma sude uhumNia na hulehen tu hamu sadari on.”

PANGARATAION 29:2

Disuru si Musa ma marlagut sude halak Israel, jana didok ia ma tu halahi, “Madung diida hamu sandiri sanga aha na nibaen ni Tuhan maradopkon raja ni Mesir, angka menterina dohot tu sude luatna i.

PANGARATAION 4:3

Diida hamu sandiri do sanga aha na nibaen ni Tuhan di Dolok Peor. Sandok halahi na marsomba Baal di inganan i, dipusa Ia do,

PANGARATAION 5:3

nada hum tu angka ompunta i, tapi dohot do tu hita na mangolu di ari sadari on.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

JOSUA 24:31

Salolot mangolu si Josua, mangoloi do halak Israel tu Tuhan. Jana dung marujung pe ngolunia laing totop do halahi mangoloi tu Tuhan salolot adong dope di tonga-tonga ni halahi angka pamimpin na sanga manyaksihon sandiri sasude na nibaen ni Tuhan di halak Israel.