PANGARATAION 11:24 - BIBEL JAMITA NA DENGGAN

²⁴ Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

PANGARATAION 11:24 ပူးပေါင်းရင်းမြစ်များ

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

2 JUJUR TAON 9:26

Markuaso do ia di sude raja na di luat na sian Batang aek Efrat lopus tu tano ni halak Pilistin dohot parbatasan ni Mesir.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

JOEL 2:20

PaorotonKu ma parangan ni siapor na sian Utara, tu padang parhorsihan Huayak deba. Tu Laut Hamatean Husosak barisan parjolona, tu Laut Tonga Huonjar parpudina. Muap bau angka bangkena, Hara ni na mamparkanciti hamu, Humatehon i sudena.

PANGARATAION 1:7

Antong rorak hamu ma bandarmunu i jana kehe ma hamu tu tano ni halak Amori na mardolok-dolok i dohot tu sude luat na humaliangna i – tu Rura Jordan, tu tano na martor dohot tu tano napa na toruk, tu Luat Selatan dohot tu topi ni Laut Tonga. Kehe ma hamu tu tano Kanaan, manyalpui partoran Libanon lopus tu aek na godang Efrat.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 12:20

Muda dipabidang Tuhan Debatamunu parbalohan ni tanomunu i songon na nijanjihonNa i, tola ma hamu mangan juhut, sanga andigan giotmunu.

PANGARATAION 34:2

sudena Luat Naftali; Luat Efraim dohot Manase, Luat Juda sabola Hasundutan lalu tu Laut Tonga;

JOSUA 14:9

Jadi hara ni i, dijanjihon si Musa ma, anggo tano na hubolusi i pasti do giot lehenon di angka dakdanakku dohot di au sandiri, gabe hami puna.