PANGARATAION 11:23 - BIBEL JAMITA NA DENGGAN

²³ Gabe paoroton ni Tuhan ma sude bangso i di jolomunu, jana ingananmunu ma tano ni angka bangso na gumodang jana na gumogo i sian hamu.

PANGARATAION 11:23 ပူးပေါင်းရင်းမြစ်များ

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

PANGARATAION 4:38

Di jolomunu, diusir Ia angka bangso na gumodang boti na gumogo sian hamu, laho pataruhon hamu tu tano ni halahi na giot silehenon ni Debata tu hamu, i ma luat na gabe hamu puna saonnari.

PANGARATAION 9:1

“Tangihon hamu ma angka dongan sabangso! Di ari on tariparanmunu ma Batang aek Jordan laho mambuat tano ni angka bangso na gumodang jana na gumogo sian hamu. Godang-godang do angka kota ni halahi, martembok na gincat marsijongjong lalu tu langit.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

JOSUA 23:9

Anggo angka bangso na godang boti na gogo madung dipaorot Tuhan sian hamu; sada halak pe nada adong na tahan mangalo hamu.