PANGARATAION 11:22 - BIBEL JAMITA NA DENGGAN

²² Haburjuhon hamu ma mangoloi angka aturan na Hulehen i tu hamu: Haholongi hamu ma Tuhan Debatamunu i, patulus hamu ma sandok na niparentahonNia tu hamu, sai hot ma hamu setia tuSia.

PANGARATAION 11:22 ပူးပေါင်းရင်းမြစ်များ

PAMUNGKAAN 2:24

Hara ni i ma umbaen na nitadingkon ni halaklahi amangna dohot inangna, jana gabe sada dohot dadaboruna, gabe sada ma halahi na dua.

MASMUR 119:31

Madung huihutkon aturanMi, ale Tuhan ulang padiar au marhahaila.

MATEUS 22:37

Dialusi Jesus ma, “Angkon haholonganmu do Tuhan Debatamu sian sude ate-atemu, dohot sian sude rohamu dohot sian sude pikiranmu.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 11:1

“Haholongi hamu ma Tuhan Debatamunu jana setia ma hamu mangoloi sude parentaNia.

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 19:9

jadi angkon laing pilionmunu dope tolu nari kota haporusan. (Lehenon do tano i di hamu muda dipatulus hamu sandok na dung huparentahon tu hamu di ari sadari on, jana muda dihaholongi hamu Tuhan Debatamunu jana ngolumunu mangihutkon pangajaranNia.)

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 6:17

Oloi hamu ma sude aturan na dilehen ni Tuhan tu ho.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.