PANGARATAION 11:17 - BIBEL JAMITA NA DENGGAN

¹⁷ Muda dilanggar hamu parenta i, hona muruk ni Tuhan ma hamu. Nada paroonNia udan; mahiang ma tanomunu maradu marigang lopus nada marsuha suan-suanan. Jadi di bagasan hatiha na pendek mate ma hamu disi, haru pe nian tano na napu do na nilehenNa i di hamu.

PANGARATAION 11:17 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 8:35

“Muda diantak Ho udan hara ni dosa ni bangsoMi tu Ho, gabe disolsoli halahi dosa ni halahi gabe ro halahi tu bagas parsombaan on jana martangiang di bagasan toruk ni rohana tu Ho,

2 JUJUR TAON 6:26

Muda nada dipaijur Ho udan hara ni na mardosa bangsoMon tu Ho, dung i gabe muba roha ni halahi sian dosana i jana ro halahi mangadop tu bagas paribadatan on lalu martangiang sian toruk ni rohana tu Ho,

2 JUJUR TAON 7:13

Muda nada Hupaijur udan sanga Hutongos siapor laho mangabiskon suha ni tano sanga Huparo nyae masa tu bangsongKu,

JOB 12:15

Ditambok Ia aek, gabe hiang jana marigang ma sudena. Dibulak Ia mangulahi, gabe mangalantap ma banjirna.

HAMALIMON 26:19

Tarlobi do sombongmunu, tapi Au patunduk hamu. Nada ro be udan, gabe hiang ma tanomi pir songon batu.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.

PANGARATAION 6:15

Muda disomba ho angka debata na asing, gabe dondonan ni rimas ni Tuhan ma hamu songon api, jana abis ma ho pusaonna, angke nada ra Tuhan Debatamu na maringanan di tonga-tongamunu i marimbang.

PANGARATAION 9:19

Mabiar do au di haririmas ni Tuhan dibaen sun do murukNia, jabat do giot pusaonNia hamu; hape laing ditangihon Tuhan dope au sanoli on.