PANGARATAION 11:16 - BIBEL JAMITA NA DENGGAN

¹⁶ Ulang patola hamu dirimunu dipadao sian Tuhan laho marsomba dohot mangoloi tu angka debata na asing.

PANGARATAION 11:16 ပူးပေါင်းရင်းမြစ်များ

1 RAJA-RAJA 8:35

“Muda diantak Ho udan hara ni dosa ni bangsoMi tu Ho, gabe disolsoli halahi dosa ni halahi gabe ro halahi tu bagas parsombaan on jana martangiang di bagasan toruk ni rohana tu Ho,

JOB 31:27

Nada unjung tartarik rohangku tusi, sanga pe huumma tanganku giot mamparsangapi.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

PANGARATAION 12:30

Dung diabiskon Tuhan angka bangso i, angkon jamot-jamot do hamu. Ulang cubo-cubo hamu manangkas-nangkasi pambaen ni halahi manyomba debata ni halahi dohot maksud laho maniru halahi. Ulang ale! Mangalapi hamatean do pangalaho na songon i!

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

PANGARATAION 17:3

hara ni na marsomba dohot mangoloi tu angka debata na asing, sanga pe tu mataniari, sanga tu bulan, sanga tu angka bintang, na maralo tu parenta ni Tuhan,

PANGARATAION 28:14

Tapi ulang lolos-lolos ho di parenta i sude, sanga na bia pe pangalahona. Jana ulang mamele sanga mangoloi ho tu angka debata na asing.”

PANGARATAION 29:17

Madung diida hamu angka patung sihagigian na nisomba ni halahi; angka patung na dibaen sian hayu, batu, perak dohot sere.

PANGARATAION 29:18

Jadi, jago ma hamu, anso ulang jabat adong sahalak pe sian tonga-tongamunu, halaklahi sanga dadaboru, marsasaripe sanga marga na jongjong dison na marbalik sian Tuhan Debatanta laho marsomba tu angka debata ni bangso na asing i. Tudos do pangalaho na songon i tu urat na tubu gabe suan-suanan na paet boti halalango.

PANGARATAION 30:17

Tapi muda nada ra hamu mangoloi dohot manangihon jana dipadiar hamu dirimunu dililuhon laho mamele tu angka debata na asing,

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 5:7

Ulang adong di ho debata na asing di jolongKu.

PANGARATAION 8:19

Jago ma hamu! Ulang lupa hamu tu Tuhan Debatamunu, sanga marbalik tu angka debata na asing laho mamele dohot mangoloi tusi. Muda dibaen hamu na songon i, Hupaingot ma hamu sadari on pasti pusaon ni Tuhan hamu.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

1 JOHANNES 5:21

Hamu angka dakdanakku, padao hamu ma dirimunu sian angka gana-ganaan!

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.

1 SAMUEL 12:20

Gabe dialusi si Samuel ma, “Ulang hamu mabiar, haru pe na dung dibaen hamu hajahatan i, ulang ma hamu marbalik sian Tuhan, tapi sai tongtong ma hamu mangoloi tuSia sian sandok rohamunu.

1 SAMUEL 12:21

Ulang antong ihutkon hamu angka debata na so tarbaen mangurupi dohot paluahon hamu, angke na so tutu do adong halahi.