PANGARATAION 11:15 - BIBEL JAMITA NA DENGGAN

¹⁵ maradu ruput di pahan-pahananmunu. Sandok sipanganon na porlu di hamu, rade ma i di hamu.

PANGARATAION 11:15 ပူးပေါင်းရင်းမြစ်များ

1 RAJA-RAJA 18:5

Didok si Ahab ma tu si Obaja, “Beta ma tabolusi sude luat on jana tajalahi ma mual dohot batang aek; betak na adong do dapot hita ruput di kudo dohot bagalta anso ulang pola adong na jabat tamatehon sian pahan-pahananta i.”

MASMUR 104:14

Dipatubu Ho duhut baen di pahan-pahanan, dohot di jolma sude ragam ni suan-suanan, anso tarbaensa marsuan-suanan,

JEREMIA 14:5

Ruput so adong be ursa boruboru pe ma kehe. Anakna na baru sorang ditadingkonsa di padang halongonan.

JOEL 1:18

Marngiak pahan-pahanan; jana gaor angka lombu angke nada adong be ruput pajampalanna; songon i dohot biri-biri gabe tarsonggot.

JOEL 2:19

Dialusi Ia ma halahi, songon on didok Ia, “Saonnari Hulehen ma di hamu sude: gandum, anggur dohot miak zetun baen panganonmunu be, anso sude hamu gabe butong be. Nada padiaronKu marlayas hamu sanga sipartataan ni angka bangso.

JOEL 2:22

Ulang hamu marsak, ale angka binatang. Saonnari madung mulak mangarata angka padang. Angka hayu ramos be marbatui, batu ni anggur dohot ara marhimpal marlobi-lobi.

JOEL 2:26

Tuk ma sipanganon di hamu, nada be sai malean, pujionmunu ma mangulahi Debatamunu, Tuhan, angke dibaen Ia do di hamu bahat hahomangan. Indada gabe sihata-hataan ni halak be bangsongKi!

HAMALIMON 26:5

Suha ni tanomunu gabe marlipat ganda, pola tehe dung dapot hatihana mambuat batu ni anggur, laing manyabi dope hamu. Jana dung dapot hatiha manyabur same ni gandum, laing mambuat batu ni anggur dope hamu. Gabe tuk ma panganonmunu jana sonang ngolumunu di luatmunu.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

PANGARATAION 6:11

Gok angka barang-barang na denggan angka bagasna i, jana nada ho na pamasukkonsa. Dapotonmu ma angka sumur, jana nada ho na mangkuarsa, angka kobun anggur dohot zetun, jana nada ho na manyuansa. Muda dioban Tuhan ho tu luat i, jana gabe butong ho,

PANGARATAION 8:10

Sandok sipanganon por ni rohamunu, rade do di hamu, jana mandok tarimakasi ma hamu tu Tuhan Debatamunu hara ni tano napu na dung nilehenNa i di hamu.”