PANGARATAION 10:8 - BIBEL JAMITA NA DENGGAN

⁸ Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

PANGARATAION 10:8 ပူးပေါင်းရင်းမြစ်များ

1 RAJA-RAJA 8:6

Dung songon i dioban angka malim ma Poti Parjanjian i tu bagasan Bagas Ni Debata jana dipayakkon halahi ma i di Bilik Na Sun Badia di toru ni gambaran ni angka kerub i.

1 JUJUR TAON 15:2

Dung i didok si Daud ma, “Hum halak Levi sajo do na tola mangangkat Poti Parjanjian ni Tuhan, harana halahi do na nitodo ni Tuhan laho mamorsan Poti i dohot na mangoloi Ia salolot-lolotna.”

1 JUJUR TAON 15:26

Dihaulkon ma pitu lombu dohot pitu biri-biri tu Debata laho mangido pangurupionNia tu halak Levi na maroban Poti Parjanjian i.

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

1 JUJUR TAON 23:26

Hara ni i, nada jabat dohot be halak Levi mananggung na hasaya di Bandar Ni Tuhan dohot sude parkokas sipakeon di paribadatan.”

2 JUJUR TAON 29:11

Hamu angka dakdanakku, ulang be palambat-lambat hamu, angke hamu do na nipili ni Tuhan laho manutung dupa diSia dohot na laho mamimpin rayat i maribadat tuSia.”

2 JUJUR TAON 30:27

Dipangido angka malim dohot halak Levi ma pasupasu ni Tuhan di rayat i, jana sian inganan parmianan ni Debata na di banua ginjang i, ditangihon Ia do tangiang ni halahi i jana dijagit Ia do pangidoan ni halahi i.

MASMUR 134:1

Puji ma Tuhan, ale sude naposo ni Tuhan, sude na markobas di BagasNia di hatiha borngin.

MASMUR 134:2

Angkat ma tanganmunu adop inganan na badia, jana puji ma Tuhan!

MASMUR 135:2

na mangoloi di Bagas Ni Tuhan di inganan ni Debata.

JEREMIA 15:19

Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

JEHESKIEL 44:11

Anggo di bagasan BagasKu, hum parkarejo dohot panjago ni horbangan do na tola halahi. Tola do halahi dohot manyambol angka pahan-pahanan sibaenon haul situtungon dohot haul na asing jana angkon sai dohot do halahi mangoloi bangso i.

JEHESKIEL 44:15

Didok Tuhan Debata i ma, “Di na nitadingkon ni bangso Israel Au, anggo angka malim Levi na sian pomparan ni si Zadok hot do mangoloi Au di BagasKu. Hara ni i, angkon halahi noma saonnari mangoloi Au dohot na ro tu adopanKu laho manghaulkon tabo-tabo dohot mudar na sian angka haul i.

HAMALIMON 8:9

Dung i dibaen ia muse saroben tu ulu ni si Harun jana dibaen ia sere sabola sian jolo ni saroben i, i ma tandana na dung Debata nampuna si Harun. Sudena i dipatulus si Musa mangihutkon parenta ni Debata tusia.

HAMALIMON 9:22

Dung sidung sude haul i dipasahat, dipahirbang si Harun ma tangannia tu ginjang ni halak na bahat i mamasu-masu halahi, dung i mijur ma ia.

BILANGAN 3:31

Halahi do nampuna karejo mangurus Poti Parjanjian, meja, inganan ni lampu, angka langgatan, angka parkokas na nipake ni malim di Inganan Na Badia, dohot tire na di Bilik Na Sun Badia i. Halahi do nampuna karejo na mardomu tu barang-barang na disi.

BILANGAN 3:6

“Suru ma marlagut Marga Levi, anso halahi gabe pangoloi di si Harun.

BILANGAN 4:15

Muda dapot hatiha mambuka parbandaran i horong ni Marga Kehat angkon ro be ma mamorsan barang-barang na badia i, tapi angkon dung sidung pe ditutupi si Harun dohot angka anaknia barang-barang bope parkokasna i. Angke halak sian Marga Kehat, nada tola dais tu barang-barang na badia i, muda dais halahi angkon mate halahi. Songon i ma karejo ni Marga Kehat muda giot paimbaron ma Bandar Parmianan.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

BAENON NI ANGKA RASUL 13:2

Jadi sanoli dompak marsomba halahi tu Tuhan jana puaso, ro ma Tondi Parbadia tu halahi mandok, “Paasing hamu ma si Barnabas dohot si Saulus di Au, anso markarejo halahi di parkarejoan na Hutontuhon tu halahi.”

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 12:7

Halak na mangurupi halak na asing, angkon marsitutu ma nian mangurupi halak. Halak na mangajari, tutu ma na mangajari i.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

GALATIA 1:15

Tapi hara ni denggan ni roha ni Debata, dipili Ia do au dompak so sorang jana dipiohon Ia do au laho mangoloi Ia.

PANGARATAION 17:12

Sanga ise na puluk mangalo panguhum, sanga malim na topet markarejo, angkon mate niuhuman, jadi songon i ma baenonmunu mansoadahon hajahatan i sian Israel.

PANGARATAION 18:5

Sian sasude marga ni Israel na dung dipili ni Tuhan do Marga Levi laho mangoloi gabe parhobas ni Tuhan salolot-lolotna.

PANGARATAION 21:3

Jadi angkon pilion ni hatobangon ni kota na dumonok i ma sada lombu jara-jara na so unjung dipake dope markarejo.

PANGARATAION 21:5

Angkon kehe muse do tu inganan i angka Malim Levi, angke halahi do antong na angkon mangalehen haputusan di bagasan sasude parkaro ni na pajolo gogo. Na dung dipili ni Tuhan Debatamunu do halahi laho mangoloi tuSia dohot mandok hata pasupasu mangasahon goarNia.

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.