PANGARATAION 10:5 - BIBEL JAMITA NA DENGGAN

⁵ mulak ma au manigor manuat sian dolok i. Dung salpu i, hombar tu na niparentahon ni Tuhan, hupamasuk ma batu na dua i tu bagasan poti na hubaen i – jana lopus saonnari laing disi do batu i.” (

PANGARATAION 10:5 ပူးပေါင်းရင်းမြစ်များ

HARURUAR 25:16

Jadi pamasuk ma tu bagasan poti i batu na dua, panyuratan ni angka parentangKi na giot pasahatonKu tu ho.

HARURUAR 25:21

Pamasuk ma batu panyuratan na dua i tu bagasan poti i, baru ma tutupi sian ginjang dohot tutup pardamean i.

HARURUAR 32:15

Dung i manuat ma si Musa sian dolok i maroban batu si dua lambar uhum ni Debata na marsurat angkup be.

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

HARURUAR 34:29

Di na manuat si Musa sian Dolok Sinai dioban ia ma dua batu hasaksian i; sian na so pamotoannia hape na marsinondang do bohinia hara ni na dung manghobari ia dohot Tuhan.

HARURUAR 40:20

Dung i dibuat ia ma batu na dua karambar i jana dipamasuk ia ma i tu Poti Parjanjian. Porsan-porsan ni Poti i disurukkon ia ma tu bagasan golang-golang pamorsananna lalu dipasang ma tutupna di ginjang.

PANGARATAION 10:2

Giot suratonKu di batu i angka hata na Husuratkon di batu na nitaporkonMi, dung i angkon pamasuhonMu ma i tu bagasan poti i.’

PANGARATAION 9:15

Dung i manuat ma au sian dolok i, huoban batu sidua-dua na marsurat parjanjian i. Di na mardalan au mijur sian dolok i, haruar ma angka dila ni api.

JOSUA 4:9

Di tonga-tonga ni Jordan i muse, disusun si Josua ma dua bolas batu diinganan hajongjongan ni angka malim na mamorsan Poti Parjanjian i. (Laing disi dope angka batu i lopus tu sadari on.)