PANGARATAION 10:21 - BIBEL JAMITA NA DENGGAN

²¹ Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

PANGARATAION 10:21 ပူးပေါင်းရင်းမြစ်များ

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

MASMUR 109:1

Hupuji do Ho ale Debata, ulang ma sai so Ho.

MASMUR 145:6

Pajojoron ni halahi ma karejoMu na godang i, giot jamitahononku ma hagodanganMi.

MASMUR 148:14

Madung dipargogoi Ia bangsoNia, halak Israel, hasianNia. Sude ma bangsoNia mamuji-muji Ia. Puji ma Tuhan!

MASMUR 22:3

Tutu do Ho Raja Na Sun Badia na maringanan di ginjang puji-pujian ni halak Israel.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

HARURUAR 34:10

Didok Ia ma tu si Musa, “Saonnari baenonKu ma parjanjian. BaenonKu ma angka hahomangan di jolo ni bangsomon, songon na so jungada tarjadi di sude tano on di tonga-tonga ni angka bangso. Idaon ni sude bangso na humaliang hamu ma, na nibaen ni Tuhan, angke sanga aha na Hubaen rap dohot ho, pambaenan na godang situtu do i.

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

JESAYA 64:3

Di sada hatiha, baenonMu do karejo na luar biasa na so diambang roha. Mijur Ho, ale Tuhan, jana di adopanMu, manyikur angka dolok hara ni na heput.

JEREMIA 17:14

Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

LUKAS 2:32

i ma sinondang na manyondangi angka bangso na asing, jana gabe hamuliaan di bangsoMu, Israel.”

JOSUA 24:18

Jana di hatiha na masuk hita tu luat on, diusir Tuhan do morot sude halak Amori na maringanan dison. Jadi, giot mangoloi tu Tuhan do hami, angke Ia do antong Debatanta.”

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

1 SAMUEL 12:24

Pasangap hamu ma Tuhan i jana mangoloi tuSia ma hamu di bagasan na tigor dohot sian sandok rohamunu. Ingot hamu ma angka pangalaho na godang na dung dibaen Ia di hamu.