PANGARATAION 10:12 - BIBEL JAMITA NA DENGGAN

¹² “Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

PANGARATAION 10:12 ပူးပေါင်းရင်းမြစ်များ

1 RAJA-RAJA 3:3

Holong do roha ni si Salomo di Tuhan jana diihutkon ia sude sipaingot ni amangnia. Tapi di piga-piga langgatan dope disambol jana dihaulkon ia angka haulnia.

2 RAJA-RAJA 18:3

Dipatupa si Hiskia do na pasonangkon roha ni Tuhan mangihutkon tiruan ni ompuna Raja Daud.

2 RAJA-RAJA 18:6

jana burju do ia tu Tuhan i. Nada unjung dialo ia Tuhan, sandok parenta ni Tuhan na nilehenNa marhite si Musa, disitutui si Hiskia do mangoloi sudena i.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

2 JUJUR TAON 15:12

Marjanji do halahi tu Tuhan bahaso na giot oloan ni halahi ma Tuhan, Debata ni ompu ni halahi, sian sasude roha dohot tondi ni halahi.

JOB 36:11

Muda dioloi halahi do Debata jana marsomba tuSia, mangolu di bagasan dame ma halahi jana sonang lopus tu ujung ni ngoluna.

MASMUR 119:2

Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 18:1

Tuhan, Ho do haholongan ni rohangku, Ho do haroroan ni hagogoan di au.

MASMUR 34:9

Habiari ma Tuhan, o hamu bangsoNia, sanga ise na burju mangoloi Ia nada dumpang hurangan.

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

MASMUR 81:14

gabe manigor patundukonKu ma musu ni halahi, sude alo ni halahi taluhononKu noma i.

HARURUAR 23:25

Muda disomba hamu Au, Tuhan Debatamunu, pasupasuonKu ma hamu pasingkop sipanganon dohot si inumonmunu, jana padaoonKu ma nyae sian hamu.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

JEHESKIEL 11:20

Jadi oloan ni halahi ma angka aturanKu jana haburjuhononna mangihutkon sandok parentangKu. Gabe bangsongKu ma halahi jana Au gabe Debata ni halahi.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

ZEPANYA 3:9

Tapi dung salpu i paubaonKu ma roha ni angka bangso-bangso i gabe martangiang tu Au sajo noma halahi, jana nada be tu angka debata na asing. Oloan ni angka bangso i noma Au.

MATEUS 22:37

Dialusi Jesus ma, “Angkon haholonganmu do Tuhan Debatamu sian sude ate-atemu, dohot sian sude rohamu dohot sian sude pikiranmu.

LUKAS 10:27

Mangalusi ma bayo i, “Angkon holong do rohamu di Tuhan Debatamu sian sandok ate-atemu, sian sandok rohamu, sian sude gogomu, dohot sian sandok pikiranmu. Jana, angkon holong do rohamu di donganmu jolma songon pangkaholongimu di dirimu sandiri.”

LUKAS 11:42

Marjaya ma hamu angka halak Parise, dibaen dilehen hamu do parsampuluan sian angka suan-suanan na menek, inggu dohot ragam-ragaman ni simarata, tapi dilaosi hamu do tona dohot holong ni roha ni Debata. Angkon sikarejohonon do i, tapi ulang nitinggalkon na asing i.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

PANGARATAION 10:11

Dung i disuru Ia ma au kehe laho mamimpin hamu anso bolas hamu gabe nampuna tano na dung dijanjihonNia tu ompumunu.”

PANGARATAION 10:13

jana oloi hamu ma sude aturanNia, na hulehen tu hamu di ari sadari on na laho tu hadenggananmunu sandiri.

PANGARATAION 11:1

“Haholongi hamu ma Tuhan Debatamunu jana setia ma hamu mangoloi sude parentaNia.

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

PANGARATAION 26:16

“Sadari on diparentahon Tuhan Debatamunu do hamu laho mangoloi sude parentana on: Oloi hamu ma sudena i sian sandok rohamunu dohot sian sandok tondimunu.

PANGARATAION 27:10

Hara ni i, oloi hamu ma Tuhan i jana ihutkon hamu ma sude uhumNia na hulehen tu hamu sadari on.”

PANGARATAION 30:16

Muda holong rohamunu tu Tuhan Debatamunu jana mangoloi hamu tuSia bope diihutkon hamu sandok uhum dohot parentaNia na hulehen tu hamu sadari on, gabe dapot hamu ngolu na sonang, jana gabe bangso na sonang. Pasupasuon ni Tuhan Debata ma hamu di tano na so sadia honok nari be giot siingananmunu.

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 4:29

Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

PANGARATAION 6:24

Disuru Tuhan Debatanta do hita mangoloi angka aturan i, giotNia anso tapasangap Ia. Muda tabaen na songon i, gabe tongtong ma sarihononNia bangsonta anso tongtong sonang.

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

JOSUA 22:5

Jana ingot hamu ma! Sipatulusonmunu do uhum na nisuru ni si Musa oloanmunu, i ma: Haholongi ma Tuhan Debatamu, ihutkon ma giotNia, oloi ma angka parentaNa, setia ma ho, jana unduk ma ho mangoloi sian sude rohamu dohot sude tondimu.”

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

1 JOHANNES 2:15

Ulang haholongi hamu portibi on, sanga pe bagi aha na adong di bagasan portibi on. Muda holong do rohamunu di portibi on, na so holong do rohamunu mida Ama i.

1 JOHANNES 5:5

Ise ma he na tarbaen manaluhon hajahatan ni portibi on? Hum halak na mangkaporsayai bahaso na tutu do Jesus Anak Ni Debata.

1 SAMUEL 12:20

Gabe dialusi si Samuel ma, “Ulang hamu mabiar, haru pe na dung dibaen hamu hajahatan i, ulang ma hamu marbalik sian Tuhan, tapi sai tongtong ma hamu mangoloi tuSia sian sandok rohamunu.