PANGARATAION 1:44 - BIBEL JAMITA NA DENGGAN

⁴⁴ Gabe ruar ma halak Amori na mangingani luat na martor i mangalo hamu. Sun do bahat ni halahi, songon dia loba na sarsar. Dikojar halahi ma hamu lopus tu Horma, disi ma hamu talu dibaen halahi di tano partoran Edom.

PANGARATAION 1:44 ပူးပေါင်းရင်းမြစ်များ

MASMUR 118:12

Songon loba halahi mangarongomi au, tapi mardongan kuaso ni Tuhan, halahi hutaluhon. Songon sihupi na abis dipangan api, songon i muse ma musungku diabisi.

JESAYA 7:18

Di ari i piohonon ni TUHAN ma halak Mesir dohot halak Asur, jadi ro ma bangso na dua i songon parharkar ni lanok dohot loba mangarongomi angka rura na margaba-gobi dohot rigang-rigang ni batu; tutupan ni halahi ma sandok potpot na marduri dohot inganan na marduhut.

BILANGAN 14:45

Jadi ro ma halak Amalek dohot halak Kanaan na maringanan disi mangalo halahi pataluhon halak Israel jana diayak halahi lalu tu Horma.

BILANGAN 21:3

Ditangihon Tuhan pangidoan ni halak Israel jana ditolong ia halahi manaluhon halak Kanaan. Dung i dibunu halak Israel ma halak Kanaan i, jana dironcohon halahi kotana i, gabe digoari halahi ma inganan i Horma.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

JOSUA 7:5

Dikojar angka halak na sian Ai do halahi sian horbangan ni kota Ai sadao-daona lalu hona bunu sian halahi adong tolu pulu onom halak di rereng ni dolok. Jadi gabe mabiar ma angka halak Israel jana gamang.