PANGARATAION 1:43 - BIBEL JAMITA NA DENGGAN

⁴³ Hupalalu do tu hamu sanga aha na nidok ni Tuhan i, hape nada parduli hamu. Mangalo do hamu tu Tuhan, jana pateal-tealkon ma hamu marbaris laho kehe tu luat partoran i.

PANGARATAION 1:43 ပူးပေါင်းရင်းမြစ်များ

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

BILANGAN 14:40

Ancogotna i sogot manyogot i markobas ma halahi giot kehe marporang laho mangarampas angka luat na martor di luat i. Ninna halahi, “Tutu do na dung mardosa hami. Tapi saonnari rampasonnami ma luat i na dung didok Tuhan i hian tu hami.”

BILANGAN 14:44

Tapi laing puluk do halak Israel i kehe tu tor i haru pe nada ditinggalkon si Musa bope Poti Parjanjian i parbandaran i.

BILANGAN 15:30

Tapi muda adong sada halak Israel sanga halak na leban na disangajo ia mambaen dosa, na mangincahi Tuhan do i. Angkon mate do halahi uhumon,

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

PANGARATAION 1:26

Hape dialo hamu do parenta ni Tuhan Debatamunu i jana nada ra hamu mamasuhi luat i.

PANGARATAION 17:12

Sanga ise na puluk mangalo panguhum, sanga malim na topet markarejo, angkon mate niuhuman, jadi songon i ma baenonmunu mansoadahon hajahatan i sian Israel.