PANGARATAION 1:37 - BIBEL JAMITA NA DENGGAN

³⁷ Patunda ni hamu muse, gabe muruk ma Tuhan tu au, didok do, ‘Ho pe Musa, nada masuhanmu luat i.

PANGARATAION 1:37 ပူးပေါင်းရင်းမြစ်များ

BILANGAN 20:12

Dung i mangkuling ma Tuhan tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

BILANGAN 27:18

Didok Tuhan ma tu si Musa, “Pio ma si Josua, anak ni si Nun. Halak na pistar do i. Ampehon ma tanganmu tu ginjang ulunia.

PANGARATAION 3:27

Kehe ma ho tu puncut ni Dolok Pisga jana tatap ma tu Utara dohot tu Selatan, tu Habincaran dohot tu Hasundutan. Tangkas ma parrohahon na niidami, angke anggo ho, indangkon na dohot be ho manaripari Batang aek Jordan.

PANGARATAION 3:28

Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

PANGARATAION 31:2

ning ia ma, “Saonnari madung marumur au saratus dua pulu taon jana nada lobas au be mamimpin hamu. Boti muse madung didokkon Tuhan na so tariparanku Batang aek Jordan i.

PANGARATAION 32:52

Jadi hara ni i, nada tola ho masuk tu tano na giot silehenonKu tu bangso Israel; hum manatap sian na dao do ho na tola.”

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

PANGARATAION 4:21

Patunda ni hamu ma muruk Tuhan Debatamunu i tu au jana disumpahon Ia anggo au na so jadi manaripari Batang aek Jordan laho mamasuhi tano napu na giot silehenonNia tu hamu.

PANGARATAION 4:22

Nada sadia honok nari taripar ma hamu jana ingananmunu ma tano na napu i, hape anggo au nada dohot be, marujung dison noma ngolungku.