PANGARATAION 1:33 - BIBEL JAMITA NA DENGGAN

³³ haru pe sai tongtong dijoloani Ia hamu laho manjalahi inganan parbandaran di hamu. Dijoloani Ia do hamu laho patuduhon dalan, di bagasan tiang api taran borngin dohot tiang ombun muda di arian.”

PANGARATAION 1:33 ပူးပေါင်းရင်းမြစ်များ

NEHEMIA 9:12

Muda arian dipimpin Ho do halahi dohot tiang ombun, muda borngin torang boluson ni halahi hara ni tiang api na gara.

MASMUR 105:39

Dilinggomi Tuhan anakNia i marhite ombun; muda borngin, dilehen Ia di halahi api patorang dalan.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 78:14

Muda arian diiring Ia halahi marhite ombun, salolot borngin marhite api na marsijongjong.

HARURUAR 14:24

Marayak andostorang, ditatap Tuhan ma sian tiang api dohot tiang ombun i tu tentara ni Mesir jana dipasarsar Ia ma halahi.

JEREMIA 31:2

Hupatuduhon holong ni rohangKu di padang halongonan tu halahi na dung malua sian hamatean. Dompak na manjalahi hademahan Israel,

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

BILANGAN 10:33

Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi.

BILANGAN 14:14

Jana nadung dibaritahon halahi do angka pangalaho i tu halak na maringanan di luat on. Jadi madung diboto halahi, na rap do Ho dohot hami. Jana madung dibege halahi, bahaso tarida do Ho tangkas muda maradian ombunMu di ginjangnami, dijoloi Ho do hami mardongan tiang ombun muda arian, jana marhite tiang api muda borngin.