PANGARATAION 1:27 - BIBEL JAMITA NA DENGGAN

²⁷ Mungut-ungut do hamu sama hamu songon on, ‘Goyak do roha ni Tuhan tu hita. Dioban Ia pe hita ruar sian Mesir anso hum pasahatkon hita do tu bagasan tangan ni halak Amori i anso dibunu halahi hita.

PANGARATAION 1:27 ပူးပေါင်းရင်းမြစ်များ

MASMUR 106:25

Marungut-ungut halahi di bagasan undung-undung nada ra be manangihon na nidokMu.

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 16:8

Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

BILANGAN 14:3

Biasi pola obanon ni Tuhan i hita tu tano Kanaan? Mate ma hita di parporangan dohot angka dongan sabagasta be bope angka dakdanakta tabanonna. Nada he dumenggan hita mulak tu Mesir?”

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

MATEUS 25:24

Dung i masuk ma naposo na manjagit sisaribu hepeng perak i. Didok ia ma, ‘Tuan, hutanda do halak na mangasahon gogo do tuan i. Dibuat tuan i do suha sian na so nisuan ni tuan i, dung i dibuat tuan i do suha sian na so nisabur ni tuan i.

LUKAS 19:21

Mabiar situtu do au di tuan i, angke huboto do tangkas parmuruk do tuan i. Dibuat tuan i do salang na so nampuna ni tuan i, jana disabi ho do na so nisuanmu.’

PANGARATAION 9:28

Muda laing pusaonMu do bangsoMon, gabe dokkonon ni halak Mesir ma na so tuk gogoMu maroban bangsoMon tu tano na dung nijanjihonMi tu halahi. Dokkonon ni halahi ma na giot mamunu bangsoMi do Ho umbaen dioban Ho halahi tu parhorsihan, hara ni goyak ni rohaMu tu halahi.