PANGARATAION 1:21 - BIBEL JAMITA NA DENGGAN

²¹ Ligi ma, indu ma di adu tano na nilehen ni Tuhan Debatamu tu ho. Kehe ma hamu mangingani tano i songon na niparentahon ni Tuhan, i ma Debata na nisomba ni ompumu. Ulang mabiar rohamunu sanga mandele.’

PANGARATAION 1:21 ပူးပေါင်းရင်းမြစ်များ

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

BILANGAN 13:30

Tapi dipasonang si Kaleb ma roha ni na marungut-ungut tu si Musa. Ninna si Kaleb, “Angkon kehe do hita mambuat jana mangarampas luat i laing saonnari, angke tuk do gogonta mangalo halahi.”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

PANGARATAION 1:20

hudok do, ‘Saonnari madung lalu hamu di luat partoran ni halak Amori, tano silehenon ni Tuhan Debatanta tu hita.

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 20:3

‘Hamu angka donganku sabangso! Di ari sadari on, na giot kehe ma hamu marporang. Ulang hamu mabiar tu angka musumunu i, sanga lepe, sanga pe golap rohamunu.

PANGARATAION 31:6

Togu ma rohamunu jana barani! Ulang mabiar hamu mida halahi! Debatamunu i, Tuhan sandiri ma mandongani hamu. Nada pailaon sanga tadingkononNia hamu.”

PANGARATAION 7:18

Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

PANGARATAION 9:23

Dung i di na nisuru ni Tuhan hamu mardalan sian Kades-Barnea, jana diparentahon mardalan dohot mamorangi tano na giot silehenon ni Tuhan tu hamu, mangalo do hamu tu Tuhan, nada ra hamu porsaya sanga mangoloi tuSia.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”