PANGARATAION 1:17 - BIBEL JAMITA NA DENGGAN

¹⁷ Ulang teleng baen hamu haputusan; angkon dos do baenonmunu tu ganop halak panimbangna, ulang pola mangaligi sanga ise halakna i. Ulang habiari hamu sanga na ise pe, angke sian Debata do haroroan ni haputusan na nibaenmunu. Muda adong sada parkaro na mamaoltu di hamu, oban hamu ma i tu au. Anso au mamutuskonsa.’

PANGARATAION 1:17 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

2 JUJUR TAON 19:5

Diangkat ia do angka panguhum di ganop kota na marbenteng,

2 JUJUR TAON 19:6

jana dilehen ia ma parenta songon on tu halahi, “Malo-malo hamu marroha, dibaen nada hara ni goar ni jolma hamu manguhumi, tapi mangasahon goar ni Tuhan do. Dijagoi Ia do hamu di na mamutuskon parkaro.

JOB 31:34

Nada huhabiari pandapot ni halak na bahat, jana nada parduli au di hata jungkat ni halak. Na so ra do au so di bagas, sanga so sajo, hara ni na mabiar dipalayas.

MASMUR 82:2

“Sadia lelengnai hamu manguhumi di bagasan hakejamon, jana marpihak hamu tu halak parjahat.

HARURUAR 18:18

Paloja-loja dirimu do na songon on, songon i muse halak na asing. Mabahattu do karejo na songon on tiopon ni sada halak sajo.

HARURUAR 18:22

Suru ma halahi anso ra mangalehen dirina mangoloi bangso on, gabe hakim ma halahi lopus mate. Angke parkaro na penting ma sipalaluon ni halahi tu ho, tapi anggo angka parsoalan na menek-menek, halahi pe, tarpasidung halahi do i. Panayangkon do i tu ho hara ni na dohot i halahi markarejo.

HARURUAR 18:26

Gabe hakim ma halahi di bangso i lopus tu ujung ni ngolu ni halahi. Angka parkaro-parkaro na penting, tu si Musa ma dipasahat halahi, tapi anggo angka soal na menek-menek do, laing halahi noma pasidungkonsa.

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

PODA 24:23

Unjung do didok angka halak na bisuk songon on: Panguhum nada tola borat sabola.

PODA 28:21

Nada denggan muda nibaen siida-ida bohi, tapi adong juo do panguhum na mamihak hum hara ni hepeng na saotik.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JEREMIA 1:17

On pe markobas ma ho, Jeremia! Kehe ma ho jana paboa ma tu halahi sandok na Huparentahon tu ho. Ulang ho mabiar mida halahi, anso ulang Hubaen ho mur mabiar muda maradopan dohot halahi.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

MALEAKI 2:9

Jadi Au sian pihakKu, baenonKu ma halak Israel marlayas ni roha tu hamu hara ni na so dioloi hamu hagiotKu, dohot hara ni na marnida bohi hamu dompak mangajari bangsongKu.”

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

MARKUS 12:14

Didapotkon halahi ma Jesus. Didok halahi ma, “Guru, hami boto do, halak na tigor do Ho. Nada parduli Ho sanga na bia pikiran ni halak tu Ho. Hum na marojahan tu hasintongan do diajarkon Ho, taringot tu sanga aha hagiot ni Debata. Harana inda meol-eol rohaMu sanga na bia pe didok halak. Antong, paboa ma jolo tu hami, ‘Muda tagarar pajakta tu Kesar ni halak Rom, sala dehe i tu ugamonta sanga nada? Angkon gararonta dehe pajak i sanga nada?’ ”

LUKAS 20:21

Jadi disapai halahi ma Ia ninna ma, “Ale Guru, madung hami boto sintong do hataMu dohot pangajaranMu, nada na mangaligi bohi Ho, tapi dipodahon Ho do dalan ni Debata mangihutkon hasintongan i.

SURAT NI SI PAULUS TU PARLAGUTAN ROM 2:11

Harana, nada siida bohi Debata.

EPESUS 6:9

Hamu dongan na gabe tuan! Angkon laing songon i do hamu maradopkon angka hatobanmunu. Antak hamu ma na mamake ondam-ondam. Angkon ingotonmunu do, rap satuan do hamu dohot angka hatobanmunu i, i ma tu Tuhan na di banua ginjang i. Nada mardia imbar halak diSia.

PANGARATAION 10:17

Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

PANGARATAION 24:17

Ulang rampas hamu hak ni halak sileban dohot dakdanak na so marama, jana ulang buat hamu gabe jaminan pakean ni sada halak na mabalu hara ni na manginjam bagi aha ia.

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

KOLOSSE 3:25

Harana sanga ise na marsala, tanggungonna ma angka hasalaanna i; angke sarupa do sudena jolma diida Tuhan i.

1 TESSALONIKA 2:4

Nada! Nada na giot pasonang-sonang roha ni jolma hami manghatai. Na giot pasonang roha ni Debata do hami muda manghatai. Debata do na dung manguji rohanami jana na dung mangangkat hami laho manjamitahon Jamita Na Denggan i.

JAKOBUS 2:9

Tapi muda mardia imbar do dibaen hamu halak, na mambaen dosa do hamu songon i, jana marhite Tona i, tangkasma bahaso na dung mangalaosi hamu disi.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.