PAMUNGKAAN 9:6 - BIBEL JAMITA NA DENGGAN

⁶ Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

PAMUNGKAAN 9:6 ပူးပေါင်းရင်းမြစ်များ

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

PAMUNGKAAN 42:22

Didok si Ruben ma, “Na so hudokkon dehe lakna na baru on tu hamu, ulang tabaen na jat tu angginta i? Hape nada ditangihon hamu. Jadi manginona tu hita ma saonnari parmatenia i.”

PAMUNGKAAN 5:1

On ma goar ni pomparan ni si Adam. (Di na manompa jolma i Debata, songon Debata sandiri do dijadihon Debata halahi.

2 SAMUEL 4:11

Umboratan dope uhuman na giot dabuhononku tu parjahat na mamunu halak na so marsala na topet modom di bagasna sandiri. Saonnari au manuntut pamaloson sian hamu hara ni pamunuon i, jana agohononku ma hamu sian sisik ni tano on!”

1 RAJA-RAJA 2:9

Tapi on ma tonangku tu ho. Ulang padiar so hona uhum ia, Huboto na bisuk do ho, usahahon ma anso mate hona uhum ia.”

2 RAJA-RAJA 11:1

Disi tarbege tu si Atalia taringot tu hamamate ni anaknia si Ahasia i, diparentahon ia ma anso dibunu sude horong ni si Ahasia.

2 RAJA-RAJA 11:16

Jadi ditangkup halahi ma ia, lalu dioban halahi ma tu bagas godang. Disi ma di jolo ni pintu Horbangan Kudo, di bunu ia.

2 RAJA-RAJA 11:20

Marjop ni roha ma rayat sudena. Gabe sonang ma muse kota ni halahi i dung hona bunu si Atalia di bagas godang i.

2 JUJUR TAON 33:24

Mambaen kompolotan ma angka pagawenia i mangalo ia jana dibunu ma ia di bagas godang.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

HARURUAR 20:13

Ulang mamunu.

PODA 28:17

Halak na mamunu jolma, na mangkojar hamatean do i, ulang ma adong na manolong ia.

PARJAMITA 3:3

Adong do hatihana mamunu dohot hatihana pamalumkon, manyego-nyego, dohot hatihana paturehon.

HAMALIMON 24:17

Sanga ise mamunu halak na asing, angkon mate hona uhum.

BILANGAN 35:16

Tapi muda adong sada halak na mamake sinjata bosi, sanga batu sanga hayu pe mamunu halak na asing, madung sala halakna i hara ni na mamunu, ia pe angkon mate uhumon.

BILANGAN 35:25

Halak na mamunu na so disangajo i, angkon ondingan ni halak na bahat do i sian pamaloson ni sisolkot ni na mate i. Angkon obanon ma halahi mulak tu kota haporusan, inganan haporusannia. Tinggal ma ia disi lopus mate malim godang na di kota i.

BILANGAN 35:33

Muda dibaen hamu songon i, hamu do mangaramuni tano na niingananmunu i. Pamunuon mangaramuni luat, jadi nada adong pangalaho na asing laho paias luat i lobi sian na mambuat hosa ni sipamunu i.

MATEUS 26:52

Didok Jesus ma tu anak siseanNia i, “Pasarung podangmi. Sude halak na mangasahon podang angkon mate do baenon ni podang.

SURAT NI SI PAULUS TU PARLAGUTAN ROM 13:4

Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

1 KORINTUS 11:7

Anggo halaklahi indangkon pola sai markupia, angke rupa dohot hamuliaan ni Debata do na nigambarkon ni halaklahi, dadaboru gabe hamuliaan ni halaklahi.

PANGARATAION 19:11

Tapi adong ma umpamana sada halak na mangadang musuna jana sangajo dibunu ia, lalu dilojongi ia tu sada sian kota i laho manjalahi parlindungan.

PANGARATAION 5:17

Ulang mamunu.

JAKOBUS 3:9

Tarpake do i laho mandok tarimakasi tu Debata, Amanta, hape laing tarpake muse do i mamurai dongan jolma na nitompa mangihutkon rupa ni Debata.

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

HAKIM-HAKIM 9:56

Songon i ma carana dibaen Debata mambaloskon tu si Abimelek hajahatan na nibaennia maradopkon amangnia di na nibununia kahangginia sipitu pulu halak i.

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.