PAMUNGKAAN 9:5 - BIBEL JAMITA NA DENGGAN

⁵ Muda adong sanga ise na mambuat hosa ni jolma, uhumon do i. MatehononKu do sandok binatang na mambuat hosa ni jolma.

PAMUNGKAAN 9:5 ပူးပေါင်းရင်းမြစ်များ

PAMUNGKAAN 42:22

Didok si Ruben ma, “Na so hudokkon dehe lakna na baru on tu hamu, ulang tabaen na jat tu angginta i? Hape nada ditangihon hamu. Jadi manginona tu hita ma saonnari parmatenia i.”

2 SAMUEL 4:11

Umboratan dope uhuman na giot dabuhononku tu parjahat na mamunu halak na so marsala na topet modom di bagasna sandiri. Saonnari au manuntut pamaloson sian hamu hara ni pamunuon i, jana agohononku ma hamu sian sisik ni tano on!”

1 RAJA-RAJA 2:6

Antong amang! Diboto ho do karejomu, ulang paloas songon parmate na somal parmatenia.

2 RAJA-RAJA 11:1

Disi tarbege tu si Atalia taringot tu hamamate ni anaknia si Ahasia i, diparentahon ia ma anso dibunu sude horong ni si Ahasia.

2 JUJUR TAON 33:24

Mambaen kompolotan ma angka pagawenia i mangalo ia jana dibunu ma ia di bagas godang.

2 JUJUR TAON 33:25

Tapi dibunu rayat ni Juda i do angka na mamunu Raja Amon i, lalu diangkat halahi ma si Josia anakna i gabe raja.

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

HARURUAR 20:13

Ulang mamunu.

HARURUAR 21:12

“Sanga ise na mamukuli halak jana mate, angkon mate niuhum.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

HAMALIMON 24:17

Sanga ise mamunu halak na asing, angkon mate hona uhum.

HAMALIMON 24:21

Sanga ise mamunu pahan-pahanan angkon digonti ia, tapi muda na mamunu jolma, angkon mate uhumon.

BILANGAN 35:16

Tapi muda adong sada halak na mamake sinjata bosi, sanga batu sanga hayu pe mamunu halak na asing, madung sala halakna i hara ni na mamunu, ia pe angkon mate uhumon.

BILANGAN 35:21

sanga pe ditenju ia, sala do halakna i hara ni na mamunu, jadi halak i pe angkon niuhum mate. Sisolkot na dumonok tu na nibunu i do mambaen uhuman mate i. Muda marsuo ia dohot na mamunu i, dibunu ia ma i.

MATEUS 23:35

Ujungna madabu ma tu hamu uhuman hara ni na nibunumunu sude angka na so marsala i mamungka sian pamunuon na tu si Abel na so marsala i lalu tu pamunuon na tu si Zakaria anak ni si Berekia na giot bunuonmunu di holang-kolang ni bilik na badia dohot inganan ni haul na di Bagas Ni Debata i.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

PANGARATAION 19:11

Tapi adong ma umpamana sada halak na mangadang musuna jana sangajo dibunu ia, lalu dilojongi ia tu sada sian kota i laho manjalahi parlindungan.

PANGARATAION 19:12

Di bagasan pangalaho sisongon i, angkon pioon ni pamimpin ni kota do halakna i laho pasahatkonsa tu koum sisolkotna na martanggung jawab laho mamaloskon pamunuon i, anso bolas ia mate niuhuman.

HAKIM-HAKIM 9:56

Songon i ma carana dibaen Debata mambaloskon tu si Abimelek hajahatan na nibaennia maradopkon amangnia di na nibununia kahangginia sipitu pulu halak i.