PAMUNGKAAN 9:3 - BIBEL JAMITA NA DENGGAN

³ Jana saonnari tola ma panganonmunu i sude tamba ni angka simarata; Hupasahat ma i sude gabe sipanganonmunu.

PAMUNGKAAN 9:3 ပူးပေါင်းရင်းမြစ်များ

PAMUNGKAAN 9:2

Mabiar ma mida hamu sandok binatang, unggas dohot ihan sude. Di toru ni kuasomunu ma i sude.

HAMALIMON 22:8

Nada tola panganonnia juhut ni binatang na mate haram sanga na nisoro ni binatang panyoro. Muda dipangan ia i gabe ramun do ia. Au do Tuhan.

SURAT NI SI PAULUS TU PARLAGUTAN ROM 14:14

Huboto do jana porsaya do au di bagasan Tuhan Jesus, na so adong sanga aha na hodar sian dirina humani; tapi gabe hodar ma i di sada-sada halak, muda hodar i dihilala ia.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

SURAT NI SI PAULUS TU PARLAGUTAN ROM 14:20

Ulang ma hara ni angka sipanganon, gabe disego-sego hamu na nikarejohon ni Debata. Tutu do, ias do sude sipanganon; tapi muda patunda ni na nipanganmunu do gabe mardosa halak na asing, hamu do na sala disi.

SURAT NI SI PAULUS TU PARLAGUTAN ROM 14:3

Sanga ise na so marimbar panganonna, ulang pola gabe layas rohania mida halak na marimbar sipanganonna; jana halak na marimbar sipanganonna, ulang ma antong disalahon ia angka na mangankon sasudena, angke salang Debata madung manjagit ia.

1 KORINTUS 10:23

Ninna halak, “Tola do baenonta sanga na aha giotta.” Tutu do i! Tapi nada sude giotta i marguna. “Tola do baenonta sanga na aha giotta” – tapi nada sude na tahagioti i padenggankon ngolunta.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

PANGARATAION 12:15

Tapi anggo manyambol pahan-pahananmunu hamu dohot mangankon juhutna i tola do sanga na di dia ingananmunu. Tola do panganonmunu sabahat ni na nilehen ni Tuhan di hamu. Hamu sude, na ias dohot na so ias mangihutkon aturan ni ugamo, tola do mangankon juhut i, tudos songon na mangankon juhut ni hije sanga ursa.

KOLOSSE 2:16

Jadi hara ni i, ulang ma padiar hamu digorahon halak hamu hara ni sipanganon sanga siinumon sanga hara ni ari pesta ni ugamo, sanga angka pesta poltak ni bulan sanga pe hara ni Ari Sabat.