PAMUNGKAAN 9:27 - BIBEL JAMITA NA DENGGAN

²⁷ Sai ditambai Debata ma pasupasu tu si Jafet. Jana mur mabidang ma inganannia. Sai rap sauduran ma pomparannia dohot pomparan ni si Sem. Hatoban ni si Jafet noma si Kanaan.”

PAMUNGKAAN 9:27 ပူးပေါင်းရင်းမြစ်များ

PAMUNGKAAN 10:2

Angka on ma anak ni si Jafet: Si Gomer, si Magog, si Madai, si Jawan, si Tubal, si Mesek dohot si Tiras. Halahi ma na gabe ompu di angka bangso na nigoaran mangihutkon goar ni halahi.

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 9:28

Dung salpu aek na oto i, mangolu dope si Noak 350 taon nari.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

HOSEA 2:14

Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

BAENON NI ANGKA RASUL 17:14

Diompoti angka dongan na porsaya i ma manaruhon si Paulus tu topi ni laut. Tapi anggo si Silas dohot si Timoteus laing di kota i dope halahi.

SURAT NI SI PAULUS TU PARLAGUTAN ROM 11:12

Angke muda pangalaosion ni halahi gabe hamoraon di portibi on, jana hahurangan ni halahi gabe hamoraon di angka bangso na asing, mur noma di hamamasuk ni halahi sudena.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

EPESUS 2:19

Hara ni i, nada etongon be hamu halak na asing sanga halak na dao. Anggo saonnari rap anggota noma hamu dohot angka na porsaya i. Dongan pangisi ni Bagas Ni Debata do hamu.

EPESUS 3:13

Jadi pangidoanku: Ulang pola ganggu be rohamunu mamikirkon sanga aha pe na hutaon hara ni hamu; laho patamahon na tu hamu do sudena i.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.