PAMUNGKAAN 9:25 - BIBEL JAMITA NA DENGGAN

²⁵ didok ia ma, “Hona bura ma si Kanaan! Gabe hatoban ni angka kahanggina ma ia.

PAMUNGKAAN 9:25 ပူးပေါင်းရင်းမြစ်များ

PAMUNGKAAN 3:14

Dung i didok Tuhan Debata ma tu ulok i, “Hona uhum ma ho hara ni pangalahomi; sian sude na margoar binatang, hum ho ma manaon bura na songon on; mamungka sian on, manjurur noma ho dohot butuhamu, jana abu noma panganonmu salolot ho mangolu.

PAMUNGKAAN 4:11

Hona bura ma ho, jana na so tola be ho mangkarejohon tano i. Madung diincop tano i mudar ni anggimi, songon na mungkap pamanganna manjagit mudar ni anggimi di na nibunumi ia.

PAMUNGKAAN 49:7

Hona bura ma halahi di rimasna, hara ni jorbutna. Hona bura ma halahi di rimasna, hara ni kejamna. Paserahonku ma halahi di sude Israel. Sarsarkononku ma halahi, di tonga-tonga ni halak pangisina.

PAMUNGKAAN 9:18

Anggo dakdanak ni si Noak na ruar sian kapal i, i ma si Sem, si Ham, si Jafet. (Si Ham i ma ama ni si Kanaan.)

PAMUNGKAAN 9:22

Di na ro si Ham amang ni si Kanaan i, diida ia ma amangnia i marsaemara, jadi ruar ma ia paboahon tu kahangginia na dua i.

PAMUNGKAAN 9:24

Dung tarsunggul si Noak sian na mabuk i, jana diboto ia ma sanga na bia pambaen ni anaknia siampulan i tusia,

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

JOHANNES 8:34

Dialusi Jesus ma, “Tutu do na Hudok di hamu. Sude halak na mambaen dosa, i ma da hatoban ni dosa.

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

PANGARATAION 28:18

Buraan ni Tuhan ma ho, lopus gabe otik anak, suha ni ladang dohot lombu maradu biri-birimunu.

JOSUA 9:23

Hara ni na songon i pambaenanmunu, hona uhum ni Debata ma hamu. Tongtong noma bangsomunu gabe hatoban sitaha soban dohot sialap aek baen sipakeon di Bagas Ni Debatangku.”

JOSUA 9:27

Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.