PAMUNGKAAN 9:22 - BIBEL JAMITA NA DENGGAN

²² Di na ro si Ham amang ni si Kanaan i, diida ia ma amangnia i marsaemara, jadi ruar ma ia paboahon tu kahangginia na dua i.

PAMUNGKAAN 9:22 ပူးပေါင်းရင်းမြစ်များ

PAMUNGKAAN 10:6

Angka anak ni si Ham i, i ma si Kus, Mesir, Libia dohot Kanaan i ma na gabe ompu ni angka bangso na nigoar mangihutkon goar ni halahi.

PAMUNGKAAN 9:23

Dung i ro ma si Sem dohot si Jafet maroban sada abit, dipahirbang ma i di pudi ni halahi, jana ditiop ma i di abara ni halahi. Dung i mardalan pudi ma halahi masuk tu undung-undung i laho mangulosi amang ni halahi dohot abit i. Dipadao halahi ma panaili ni halahi anso ulang diida halahi amang ni halahi na marsaemara i.

PAMUNGKAAN 9:25

didok ia ma, “Hona bura ma si Kanaan! Gabe hatoban ni angka kahanggina ma ia.

1 JUJUR TAON 1:8

Angka anak ni si Ham i ma: Si Kus, si Mesir, si Libia dohot si Kanaan, i ma angka ompu ni bangso na mamake goarnia.

MASMUR 40:15

Padiar ma gabe heput jana maila halak na martataihon au.

MASMUR 70:3

Sugari halak na martataihon au gabe tarsonggot ma nian jana maila.

PODA 25:9

Bela ma parkaromu dohot donganmu, tapi anggo rahasia ni halak na asing ulang paboa-boa.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

HABAKUK 2:15

Marjaya ma halak na mangalehen donganna jolma minum mardongan muruk, jana na mambaensa lopus mabuk, giot mangaligi hahailana.

MATEUS 18:15

“Muda mardosa kahanggimu tu ho, topotkon ma ia. Paboa tangkas salania i. Sip-sip ma langkahon tusia anso hum hamu na dua sajo. Muda ditangihon ia na nidokmi, madung dapot ho ia mangulahi.

1 KORINTUS 13:6

Nada sonang holong ni roha i muda masa hageduhan, hum mida na sintong do marjop ni roha holong i.

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.