PAMUNGKAAN 9:20 - BIBEL JAMITA NA DENGGAN

²⁰ Partani do anggo si Noak. Ia ma na parjolo mambaen kobun anggur.

PAMUNGKAAN 9:20 ပူးပေါင်းရင်းမြစ်များ

PAMUNGKAAN 3:23

Lalu dipaorot Tuhan Debata ma jolma i sian Kobun Eden i jana disuru Ia ma mangkarejohon tano na gabe asalna i hian.

PAMUNGKAAN 4:2

Dung i ditubuhon si Hawa muse ma sada nari laing anak halaklahi, na margoar si Abel. Gabe parmahan biri-biri do si Abel, tapi anggo si Kain gabe partani do.

PAMUNGKAAN 5:29

Didok si Lamekh ma, “Dakdanak on ma na paluahon hita sian karejonta na dokdok on, i ma na manjama tano na dung niburaan ni Tuhan.” Hara ni i, digoari si Lamekh ma goar ni dakdanak i si Noak.

PAMUNGKAAN 9:19

Anak ni si Noak na tolu halak on ma ompu ni sude jolma na satano on.

PAMUNGKAAN 9:21

Jadi dung diinum ia anggurnia i, gabe mabuk ma ia. Ditalduskon ia ma sandok pakeannia i, modom ma ia marsaemara di bagasan undung-undungnia i.

PODA 10:11

Pamangan ni halak partigor i do haroroan ni ngolu, tapi manyimpan hakejamon do pamangan ni halak parjahat.

PODA 12:11

Partani na padot karejo bubung sopona, tapi na oto do halak na pangabis ari-arina di na so marguna.

PODA 24:30

Unjung do mamolus au sian ladang dohot kobun ni halak na losok.

PARJAMITA 5:9

Jana ngolu ni raja pe marguru tu suha ni karejona do.

ENDE NA GODANG 1:6

Na dipangan mataniari do kulitku, lopus gabe lomlom songon on. Dimuruki angka ibotongku do au jana disuru markarejo manjago kobun anggur ni halahi; jabat nada adong be hatiha di au laho pature-ture kobunku.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

PANGARATAION 20:6

Adong do dison na baru manyuan kobun anggurna jana na so sanga dope mamutik parbatu ni anggurna i? Muda adong do, angkon mulak do ia. Angke muda hona bunu ia di parporangan, gabe halak na asing noma antong na mandai aek ni anggurnia i.

PANGARATAION 28:30

Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.