PAMUNGKAAN 9:12 - BIBEL JAMITA NA DENGGAN

¹² Songon tanda ni parjanjian, salolot ni lolotna na Hubaen dohot hamu bope dohot angka na mangolu,

PAMUNGKAAN 9:12 ပူးပေါင်းရင်းမြစ်များ

PAMUNGKAAN 17:11

Mamungka saonnari angkon pasunatkononmu ma ganop anak halaklahi na baru sorang na marumur salapan ari, dohot do disi angka hatoban na sorang di bagasmu dohot angka hatoban na nitobusanmu sian halak na asing. Sunat i ma na gabe tanda na tarida paboa na hot parjanjian i antara ho dohot Au.

PAMUNGKAAN 9:13

gabe Hubaen ma di ombun i halibutongan. I ma tanda ni janjingKu dohot portibi on.

PAMUNGKAAN 9:17

I ma tanda ni janjingKu na Hulehen tu sandok na mangolu di tano on.”

HARURUAR 12:13

Mudar na di pintu ni bagasmunu i ma tandana paboahon bagas ingananmunu. Muda Huida mudar i salpuanKu ma hamu, jana nada agoonKu hamu di na manguhum halak Mesir i Au.

HARURUAR 13:16

Pesta on ma na paingotkon hita gabe songon sada tanda na ditambatkon di tangan sanga di bohinta. Marhite pesta on, dipaingot hita, bahaso na dung diparuar Tuhan hita sian Mesir marhite kuasoNa na godang i.”

JOSUA 2:12

Antong sumpahon hamu ma mangasahon goar ni Tuhan bahaso na denggan do baenonmunu tu au dohot tu koumku songon denggan ni na hubaen tu hamu. Janjihon hamu ma paboa na so bunuonmunu damang dohot dainang, angka dongan sainangku dohot sude dongan sabagas ni halahi, tapi ondihononmunu do. Antong, lehen hamu ma sada tanda paboa na tutu do hamu bisa huhaporsayai!”