PAMUNGKAAN 9:1 - BIBEL JAMITA NA DENGGAN

¹ Dipasupasu Debata ma si Noak dohot angka dakdanaknia i jana didok Ia ma, “Maranak marpahompu ma hamu, anso diingani pomparanmunu tano on sude.

PAMUNGKAAN 9:1 ပူးပေါင်းရင်းမြစ်များ

PAMUNGKAAN 1:22

Dipasupasu Debata ma i sudena jana diparentahon Ia ma tu sude na mangolu di bagasan aek anso mamopari laho manggohi laut, jana tu angka unggas anso mur martamba bahat.

PAMUNGKAAN 1:28

Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

PAMUNGKAAN 10:32

I ma angka pomparan ni si Noak mangihutkon partubuna be. Dung salpu aek na oto i, sude bangso na di tano on pomparan ni angka anak ni si Noak noma.

PAMUNGKAAN 2:3

Dipasupasu jana diparbadiai Ia ma ari papituhon i, dibaen di ari i ma dipasidung Ia karejoNia na manompa i, gabe maradian ma Ia karejo.

PAMUNGKAAN 35:11

Jadi didok Debata ma tusia, “Au do Debata Na Gumogo. Sai gabe ma ho, marpomparan na bahat! Ruar ma sian ho angka bangso jana gabe ompung ni angka raja-raja ma ho.

PAMUNGKAAN 8:17

Paruar ma sude unggas dohot binatang i, anso tarbaen halahi mamopari jana mamarpar di sude tano on.”

PAMUNGKAAN 9:19

Anak ni si Noak na tolu halak on ma ompu ni sude jolma na satano on.

PAMUNGKAAN 9:2

Mabiar ma mida hamu sandok binatang, unggas dohot ihan sude. Di toru ni kuasomunu ma i sude.

PAMUNGKAAN 9:7

Olo tutu, angkon maranak marpahompu ma hamu bahat-bahat, anso diingani pomparanmu tano on sude.”

MASMUR 112:1

Martua ma na burju na marjop ni roha patuluskon parenta ni Tuhan.

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.