PAMUNGKAAN 8:21 - BIBEL JAMITA NA DENGGAN

²¹ Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

PAMUNGKAAN 8:21 ပူးပေါင်းရင်းမြစ်များ

PAMUNGKAAN 3:17

Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

PAMUNGKAAN 4:12

Muda pe gabe martani ho, na so adong ma bagi aha hasil ni tano i; gabe halak na madoado noma ho na so adong bagasna di tano on.”

PAMUNGKAAN 5:29

Didok si Lamekh ma, “Dakdanak on ma na paluahon hita sian karejonta na dokdok on, i ma na manjama tano na dung niburaan ni Tuhan.” Hara ni i, digoari si Lamekh ma goar ni dakdanak i si Noak.

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

JOB 14:4

Tarbaen ma he jolma pardosa parohon na sanggam soada hurangna?

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

MASMUR 58:4

Marbisa do halahi songon ulok, jana maingol songon ulok sonduk,

HARURUAR 29:18

Tutung ma sude biri-biri jantan i di ginjang ni langgatan i gabe haul na nitutung. Uap ni haul on ma na pasonang Au.

HARURUAR 29:25

Jadi buat ma roti i sian halahi lalu tutung ma di ginjang ni langgatan i, di ginjang ni haul situtungon sinangkinan gabe haul panganon di Au. Uap ni haul on ma na pasonang rohangKu.

PODA 20:9

Adong ma he halak na bolas mandok hatana, “Ias do rohangku, madung malua au sian dosa!”

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JESAYA 47:12

Martahan sajo ma ho marhite sude ajimetmi, na nipakemu sian hamenehanmi. Betak na marguna do i mangurupi ho, laho mambiar-biari.

JESAYA 47:15

Aha ma he jasa ni pangaramal i di ho, na dung mangalehen sipaingot sian najolo? Markehean be do manadingkon ho; nada adong na ro mangurupi ho.”

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JESAYA 65:6

Madung Huputuskon di rohangKu giot mamalos hajahatan ni halahi jana madung tarsurat uhuman ni halahi. Nada ra Au manghalupahon sandok na nibaen ni halahi. Uhumon noma halahi

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 18:12

Tapi alusan ni halahi ma, ‘Aha guna ni i? Aha sundatna muda giot sai tongtong hami ihutkon hagiotnami na jahat i?’ ”

JEREMIA 8:6

Madung marsitutu Au manangihon, hape nada tigor rohamunu mandok hata. Umpe adong sahalak sian hamu na manyolsoli pangalahona na jahat i; nada adong na mandok, ‘Aha do hasalaanku?’ Marsitondong dalanna sandiri be do hamu sude songon kudo na mangaroro tu parporangan.

JEHESKIEL 20:41

Dung Huoban hamu haruar sian angka luat inganan parserahanmunu, palagutonKu ma hamu jana jagitonKu ma sude haul situtungonmunu. Jadi gabe botoon ni sandok bangso ma Au do Tuhan.

HAMALIMON 1:13

Dung i basuon ni halahi ma butuha dohot pat pudi ni pahan-pahanan i, jadi sombahonon ni malim i ma haul i tu Tuhan, lalu ditutung sude di ginjang ni langgatan. Uap ni haul sipanganon i ma pajop roha ni Tuhan.

HAMALIMON 1:17

Dung i ditiop ma unggas i di pangkal ni habongna i laho manyuakkon andorana, tapi nada tola torus taldus habongna i. Dung i ditutung ma unggas i dipayakkon tu hayu na gara di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 1:9

Angkon basuon ni halahi do butuha dohot pat pudi ni pahan-pahanan i, dung i markarejo ma malim manutung sude haul sipanganon i pajop roha ni Tuhan.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

HAMALIMON 4:31

Tabo-tabo ni pahan-pahanan i angkon niharuarkon sude, songon na binaen tu haul haluaan i. Angkon tutungon ni malim i do tabo-tabo na di ginjang ni langgatan, anso jop roha ni Tuhan manganggo uapna i. Songon i ma pangalahona baenon ni malim i pasahat haul hara ni dosa ni sada rayat na somal, gabe sesaon ni Tuhan i ma dosana i.

HAMALIMON 8:28

Dung i dijagit si Musa ma sipanganon i sian halahi lalu ditutung ia di langgatan i, di ginjang ni haul situtungon i, gabe haul pangangkaton i ma haul sipanganon, uapna i ma pajop roha ni Tuhan.

BILANGAN 15:3

Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

JOHANNES 3:6

Dibaen sibuk do na tubu sian sibuk, jana tondi do na tubu sian Tondi.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

SURAT NI SI PAULUS TU PARLAGUTAN ROM 3:23

madung mardosa sude jolma jana agoan hamuliaan ni Debata.

2 KORINTUS 2:15

Dibaen songon uap na huskus ni Kristus do hami adop Debata di tonga-tonga ni angka na dapotan haluaan, bope di tonga-tonga ni angka na giot kehe tu hamagoan i.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.