PAMUNGKAAN 8:20 - BIBEL JAMITA NA DENGGAN

²⁰ Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

PAMUNGKAAN 8:20 ပူးပေါင်းရင်းမြစ်များ

PAMUNGKAAN 13:18

Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 13:4

dohot langgatan. Disi ma ia manyomba Tuhan.

PAMUNGKAAN 22:2

Didok Debata ma, “Piohon ma si Ishak anakmu sisada-sada i, anak hasianmi jana kehe ma hamu tu tano Moria. Di adu di sada dolok na giot patuduhononKu tu ho, angkon pasahatonmu ma anakmi gabe haul na nitutung tu Au.”

PAMUNGKAAN 22:9

Di na lalu halahi tu inganan na nidok ni Debata tu si Abraham, dipajongjong ia ma sada langgatan jana diatak ia ma soban i di ginjang ni langgatan i. Bulus ditambat ia ma anaknia i jana dipapodom ia di langgatan i di ginjang ni soban i.

PAMUNGKAAN 26:25

Dung i dipajongjong si Ishak ma langgatan disi jana disomba ia ma Tuhan. Disi ma ia mambaen bandar jana dihuar angka hatobannia ma sumur na asing.

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

PAMUNGKAAN 35:1

Sanoli didok Debata ma tu si Jakob, “Au ma da Debata na pataridahon diringKu tu ho di na lari i ho sian angkangmu si Esau. Ompoti ma kehe tu Betel. Disi ma ho maringanan jana pajongjong ma sada langgatan di Au.”

PAMUNGKAAN 35:7

Dipajongjong si Jakob ma disi sada langgatan jana dibaen ia ma goar ni inganan i “El-Betel”, angke disi ma dipataridahon Debata diriNa tu si Jakob di na lari ia sian angkangnia.

PAMUNGKAAN 4:4

Dibuat si Abel ma sada anak ni biri-biri siangkaan sian saparinaan; disambol ia ma i, lalu dihaulkon ia ma goar-goaranna na dumenggan sian i tu Tuhan. Jop ma roha ni Tuhan mida si Abel dohot na nihaulkonnia i,

PAMUNGKAAN 7:2

Boan muse ma pitu pasang sian ragam ni binatang na so haram, tapi anggo na haram tuk ma hum sapasang boanonmu sian ganop ragamna.

PAMUNGKAAN 7:3

Boan muse ma pitu pasang ganop ragam ni unggas. Baen ma songon i anso laing malua ganop ragam ni binatang dohot unggas sian hamamago i jana laing tarbaen mangulahi martamba halahi di tano on.

PAMUNGKAAN 8:19

Ruar ma sude binatang dohot unggas sian kapal i marsidongani horongna be.

JOB 1:5

Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

HARURUAR 10:25

Dialusi si Musa ma, “Anggo songon i do, angkon dilehen raja i ma pahan-pahanan di hami baen sihaulkonon dohot haul situtungon tu Tuhan, Debatanami.

HARURUAR 29:18

Tutung ma sude biri-biri jantan i di ginjang ni langgatan i gabe haul na nitutung. Uap ni haul on ma na pasonang Au.

HARURUAR 29:25

Jadi buat ma roti i sian halahi lalu tutung ma di ginjang ni langgatan i, di ginjang ni haul situtungon sinangkinan gabe haul panganon di Au. Uap ni haul on ma na pasonang rohangKu.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

IBRANI 13:10

Adong do di hita sada inganan laho pasahat haul tu Debata. Jana angka malim na markarejo mangoloi di bagasan bandar i, nada dipatola halahi mangankon haul na adong di ginjang ni parkaulan i.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.