PAMUNGKAAN 7:23 - BIBEL JAMITA NA DENGGAN

²³ Dipatimpas Tuhan sandok na mangolu di tano on – jolma, binatang dohot unggas. Hum si Noak ma i na so mate dohot sude na rap dohot ia di kapal i.

PAMUNGKAAN 7:23 ပူးပေါင်းရင်းမြစ်များ

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 8:18

Jadi ruar ma si Noak sian kapal i rap dohot dadaborunia, angka dakdanaknia bope dohot angka dadaboru ni dakdanaknia i.

JOB 5:19

Muda ro mara pangondam, sai na marpupu do ho nipalua.

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

MASMUR 91:7

Haru rage saribu halak di lambungmu, jana sampulu ribu halak di humaliangmu, tapi anggo ho nada jabat mahua.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

1 PETRUS 3:20

i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

2 PETRUS 3:6

jana laing dohot aek i muse, diabiskon Debata portibi si narobi i, i ma dohot aek na oto.