PAMUNGKAAN 7:11 - BIBEL JAMITA NA DENGGAN

¹¹ Di na marumur 600 taon si Noak, di ari pitu bolas bulan paduahon, mapultak ma sandok mata mual ni laut na bidang di toru ni tano jana sude pintu ni aek di langit mungkap ma,

PAMUNGKAAN 7:11 ပူးပေါင်းရင်းမြစ်များ

PAMUNGKAAN 6:17

ParoonKu ma aek na oto di tano on laho mamatehon sanga aha na mangolu, sude na di tano on angkon mate,

PAMUNGKAAN 7:6

Marumur 600 taon ma si Noak, di na ro aek na oto tu tano on.

PAMUNGKAAN 8:14

Di ari dua pulu pitu bulan paduahon, madung mahiang sude tano i.

PAMUNGKAAN 8:2

Sude mata mual na di laut na bidang i di toru ni tano dohot sude pintu ni aek na di langit tartutup ma. So ma udan,

2 RAJA-RAJA 7:19

Jana topet di hatiha i pangawal ni raja i sandiri mandok, “Bia ma pambaen ni i! Inda tutu i, haru pe saonnari on diparo Tuhan udan potir sian langit!” Jadi dialusi si Elisa do, “Idaonmu do naron tarjadi, tapi anggo ho nada dohot mandai panganon i saotik pe.”

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

JOB 12:15

Ditambok Ia aek, gabe hiang jana marigang ma sudena. Dibulak Ia mangulahi, gabe mangalantap ma banjirna.

JOB 28:4

Di simadao di inganan na so adong halak, di na so unjung didege bope dibolus halak, disi ma markarejoi halak lalu marsigantungi tu tali, di bagasan angka liang mamolngit na lobi.

JOB 38:16

Jungada dehe ho mijur tu mual ni laut, dao di pusotna i? Jungada dehe ho mardalan-dalan di tandolan ni laut i?

JOB 38:37

Ise ma he na tuk malo mangetong ombun jana na pabalikkonsa gabe mijur udan,

MASMUR 33:7

Sude aek laut dipalagut Ia di sada inganan, ditahan Ia laut na bidang anso ulang jabat marlobian.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

PODA 3:20

Marhite parbinotoanNa dibaen Ia angka batang aek mardalan dohot ombun manduruskon aek tu tano on.

JESAYA 24:18

Sanga ise na marlojong hara ni biarna, madabu ma tu tirangkap, jana na so hona tu tirangkap hona jorat ma. Udan potir diparo sian langit jana humuntal ma ojahan ni tano on.

JESAYA 24:19

Marotak ma tano, maropuk jana humutur.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

JEREMIA 51:16

Hum parenta do dilehen Ia, mardorom ma aek di awang-awang sian ujung ni tano on marroan angka ombun dibaen Ia. Dibaen Ia mamincar porkas di bagasan udan, ditongos Ia alogo sian panyimpananna.

JEHESKIEL 26:19

Didok Tuhan Debata i ma, “Mamolngit mangalungun ho baenonKu songon kota na so adong manginganisa. LingkuponKu ho dohot aek na sian tandolan ni laut.

MALEAKI 3:10

Oban hamu ma parsampuluanmunu i tu BagasKu anso adong disi mardapot-dapot sipanganon. Uji hamu ma Au, jadi gabe idaonmunu ma Huungkap angka pintu ni banua ginjang jana pagukguhonKu sandok na denggan tu hamu, ninna Tuhan Na Markuaso.

MATEUS 24:38

Taran so ro banjir na godang i, mangan minum do halak, marbagas dohot pabagaskon lopus tu ari parmasuk ni si Noak tu kapal i.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

2 PETRUS 3:6

jana laing dohot aek i muse, diabiskon Debata portibi si narobi i, i ma dohot aek na oto.