PAMUNGKAAN 6:9 - BIBEL JAMITA NA DENGGAN

^9-10 On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

PAMUNGKAAN 6:9 ပူးပေါင်းရင်းမြစ်များ

PAMUNGKAAN 10:1

On ma pomparan ni angka anak ni si Noak, i ma si Sem, si Ham dohot si Jafet. Dung salpu aek na oto i, adong ma angka anak ni halahi na tolu.

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 2:4

On ma barita panompaon ni langit dohot tano on. Di hatiha na nitompa ni Tuhan Debata langit dohot tano on,

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

PAMUNGKAAN 5:1

On ma goar ni pomparan ni si Adam. (Di na manompa jolma i Debata, songon Debata sandiri do dijadihon Debata halahi.

PAMUNGKAAN 5:22

Dung i mangolu di bagasan pardonganon dohot Debata ma si Henokh 300 taon honokna jana adong dope angka dakdanaknia na asing.

PAMUNGKAAN 5:24

Jana sai marpardonganon dohot Debata do ngolunia, dung i nada haidaan be ia, angke madung dibuat Debata ia.

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

2 SAMUEL 22:24

Diboto Ia do au na so mardosa na mandao sian pangalaho na targora.

1 RAJA-RAJA 3:6

Dialusi si Salomo ma, “Tuhan! Madung dipatidahon Ho basa na holong situtu do rohaMu di damang si Daud naposoMi. Denggan do ia, tigor, bope burju tu Ho. Torus do dipatidahon Ho holong ni roha godang disia. Tangkas do i tarida angke madung dilehen Ho disia sada anak na mamarenta saonnari manggontihon ia.

2 JUJUR TAON 15:17

Haru pe na so sude inganan pamelean ni gana-ganaan na di luat i ditaporkon si Asa, tapi anggo ia sai tongtong do setia tu Tuhan sapanjang mangolu ia.

2 JUJUR TAON 25:2

Dipatupa si Amasia do na pasonangkon roha ni Tuhan, tapi sian na mardua roha.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 1:8

Dung i disapai Tuhan muse ma, “Madung he dipamanat ho si Job naposongKi? Sude jolma na di portibi nada adong halak na songon i burjuna dohot denggan ni rohana. Marsomba tu Au do ia jana nada mambaen hajahatan ia.”

JOB 12:4

Sipartataan ni dongan au dohot ale-ale, hape tigor do iba so marsala. Najolo dialusi Debata do tangiangniba, muda mangido tolong iba tuSia.

MASMUR 37:37

Parrohahon ma halak na burju roha jana partigor, halak na dame, sai adong do siarapkononna.

MASMUR 37:39

Dipalua Tuhan do halak na daulat jana diondihon do halahi di hamamasa ni hasusaan.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.

JEHESKIEL 14:20

Jana haru pe maringanan disi si Noakh, si Daniel dohot si Job, jadi hara ni Au na mangolu, Tuhan Debata, nada tarbaen halahi paluahon sanga na ise pe, salang anak ni halahi sandiri pe nada tarpaluasa halahi. Hum hosa ni halahi sajo do na malua hara ni haburjuon ni halahi.”

HABAKUK 2:4

Jana ingot ma: halak na gakgak nada tigor rohana, tapi anggo halak na tigor sian haporsayaanna, i do na giot mangolu.”

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

LUKAS 23:50

Adong ma sada halak na margoar si Josep, sian Arimatea na di Luat Judea. Halak na burju do ia na nipasangap ni halak jana sai dipainte ia do sanga andigan hatihana Debata mamungka mamarenta songon Raja. Haru pe anggota ni Rapot Godang ni Ugamo ia, nada dohot-dohotan ia di haputusan dohot pambaenan ni Rapot Godang i.

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

GALATIA 3:11

Sahalak pe nada adong na nipatigor di adopan ni Debata markite na mandalankon Tona i. Dibaen, “Hara ni haporsayaanna do mangolu angka na tigor roha i.”

PANGARATAION 18:13

Antong sai oloi hamu ma Tuhan Debatamunu i, sian sandok rohamunu.”

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.