PAMUNGKAAN 6:6 - BIBEL JAMITA NA DENGGAN

⁶ manyosal ma Tuhan hara ni na dung nitompaNia halahi jana dibaen Ia maringanan di tano on. I noma hancit ni roha ni Tuhan,

PAMUNGKAAN 6:6 ပူးပေါင်းရင်းမြစ်များ

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

2 SAMUEL 24:16

Ma lalu surusuruan na pasarsar hamatean i di lambung ni pardegean ni gandum nampuna ni si Arauna halak Jebus i. Jadi dung diida Tuhan na dung hobas surusuruan i laho mangabisi Jerusalem, dipauba Tuhan ma haputusannia i laho manguhum bangso i. Didok Tuhan ma tu surusuruan i, “Tuk ma i! Antak ma!”

1 JUJUR TAON 21:15

Dung i disuru Tuhan muse ma sahalak surusuruan laho manyegohon Jerusalem. Hape dung lalu surusuruan i di lambung pardegean ni gandum nampuna ni si Arauna halak Jebus i, muba ma roha ni Tuhan jana didok ma tu surusuruan i, “Tuk ma i! Paso ma!”

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

MASMUR 119:158

Magigi au mida angka panghianat i, hara ni na so diihutkon halahi pangajaranMu.

MASMUR 78:40

Jotjotna i antong halahi mangalo tuSia, pahancit rohaNia di padang halongonan.

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

JESAYA 48:18

Sugari na burju ho mangoloi aturanKu so pola lalap, gabe mardalan ma pasupasu tu ho songon batang aek na so unjung mahiang. Hamonangan marroan ma tu ho songon ombak ni laut na so unjung maradian.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 18:7

Muda dapot di sada hatiha giot Huputuskon laho mangarampas, mangarumpakkon dohot mangaroncohon sada bangso sanga harajaan,

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

JUNUS 3:10

Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

MALEAKI 3:6

“Au do Tuhan, jana nada muba-uba Au. Jana hamu ale pinompar ni si Jakob, nada pusa hamu.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

PANGARATAION 32:29

Nada diastuisa biasi talu halahi; nada mamoto sude na masa i.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

IBRANI 3:10

I do umbaen na goyak rohangKu mida halahi jana Hudok ma, ‘Na tongtong do halahi lilu, jana losok mangoloi angka parenta na Hudok.’

IBRANI 3:17

Jana ise dehe na nimuruhan pola opat pulu taon honokna? Nada he angka na mardosa na marmatean di parhorsihan i lakna?

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.

1 SAMUEL 15:29

Nada margabus bope nada muba muse roha ni Na Marmulia Debata ni Israel, angke nada jolma Ia.”

1 SAMUEL 15:35

Lopus tu ujung ni ngolunia nada jungada be diida si Samuel raja i. Tapi marsak do si Samuel hara ni na manyosal i Tuhan mambaen si Saul gabe raja.